睇睇日曆，原來上星期日（10月8 日）係寒露，難怪呢幾日香港天氣明顯轉涼，日夜溫差更明顯，早晚都已經有秋意，要加穿長袖外套，所以亦開始可以唔使開冷氣機。但咪以為冷氣機收爐放長假，就只係唔使開機，乜都唔使做，原來咁樣隨時會令冷氣機容易發霉同壞機㗎！咁究竟冷氣機收爐前要做啲乜呢？
===========
同場加映：
【家居達人】整理收納專家教你洗衫小貼士 有效去除汗漬汗味方法、室內晾衫快乾秘訣
============
冷氣機收爐必做工作之 1.拔除電掣
在停用冷氣前要進行大清洗，而第一步要做的，就是把電掣拔除，以防止清楚時漏電，發生意外。同時仲要記得攞出遙控器入面嘅電池，以防萬一電池漏液令遙控器報銷。
冷氣機收爐必做工作之 2.清洗冷氣機
冷氣機使用咗一整個夏天後，其實機身、隔塵網、金屬片上都會積聚咗好多塵埃，如果一直唔清走，到夏天再開時就會嚴重影響製冷表現。
點洗隔塵網？
其實只需要從隔塵網較乾淨嘅一面，用花曬及清水噴洗，打走中間嘅塵垢就可以，但要小心唔好將塵埃打入隔塵網中間嘅小孔，否則會增加清洗嘅難度。如果使用化學藥劑或熱水，有機會令隔塵網變形。剛用水沖洗完嘅隔塵網，可以使用軟布抹乾，或放在陰涼處慢慢「陰乾」。
洗隔塵網，只需要從隔塵網較乾淨嘅一面，用花曬及清水噴洗，打走中間嘅塵垢就可以。
點樣清洗機內金屬片？
除咗坊間嘅冷氣機泡沫清潔劑外，都可以用藍威寶，裝入噴壺，再噴入機內金屬片，等塵垢從去水喉流走。如果想加強消毒效果，可以用稀釋咗1:99漂白水噴入機內金屬片，但日後再開機時，有機會吹出嚟嘅風有漂白水味。
究竟要隔幾耐洗一次隔塵網呢？
視乎冷氣機嘅塵量，夏天其實應該約一至兩個星期就清洗一次隔塵網。或者可以將隔塵網放喺燈光下照，如果明顯睇到上面沾滿塵唔透光，都代表係時候清洗喇！
冷氣機收爐必做工作之 3.清理機底盤污水
當冷氣機夏天用咗幾個月，機底會充滿積水及污垢，尤其係家居常用嘅窗口式冷氣機，而如果唔處理呢啲機底污水嘅話，有機會滋生細菌外，更加會侵蝕機身嘅金屬，令機件發霉或生鏽，咁樣就會有機會令冷氣機嘅支架及外殼脫落，繼而產生嘈音問題，日後開機時就可能會出現「轟轟」聲。而污水積聚亦有機會產生青苔漬，結果隨時會吸引到昆蟲甚至曱甴嚟搵食，甚至棲身於冷氣機入面呀！另一方面，忽視呢啲水漬，當水漬自然風乾後就會形成一大塊污垢，日後再開機時，有機會會淤塞去水位呀！所以冷氣機每使用一定時間後，可以搵找專業人士幫忙，拆開窗口式冷氣機清潔底盤積水。
如果唔處理機底污水，有機會滋生細菌，令機件發霉或生鏽，污水積聚亦有機會產生青苔漬，隨時會吸引到昆蟲甚至曱甴呀！
冷氣機收爐必做工作之 4.開送風模式吹乾
清潔完冷氣機各部，最後要再重新接駁電源，並開啟送風模式1至2小時，將殘留喺冷氣入面嘅水氣都吹乾，先再關機，就能避免內部機件因濕氣而發霉，延長使用壽命。
冷氣機收爐必做工作之 5.噴防鏽油
清洗完冷氣機並等完全乾透後，可以用防鏽油噴到機底、外殼及機身位置，即使有水漬都可以防止生鏽。
冷氣機收爐必做工作之 6.包裹外殼
窗口式冷氣機宜用大膠袋包裹外殼，以防日後被雨水滲入機身。如果係分體式冷氣機，可以用風扇mode將機組吹乾，然後用膠袋包好冷氣機。亦可以套上冷氣防塵罩防止機身入塵。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
