屯門馬莎結業逾2年重開！取替Foot Locker舊舖位街坊難掩興奮 望1品牌進駐日後免「出省」
屯門馬莎重開！屯門馬莎百貨自2021年結業後，最近有網民發現品牌擬捲土重來，並於屯門市廣場重開分店，取替已撤港品牌的Foot Locker舊舖位，令一眾街坊甚感興奮直言「終於返嚟」，更有網民笑指區內目前尚欠1大品牌，集齊後日後「屯門牛」就無需再跨區「出省」購物。
英國百貨品牌「馬莎百貨」（Marks and Spencer）自疫情期間，多間大型香港分店接連結業，其中位於屯門市廣場的分店，亦早於2021年初宣告執笠。事隔至今逾2年半再傳出好消息，有網民發現屯門將重開馬莎百貨，同樣選址屯門市廣場。從相片所見，現時店舖仍封上印有「Tuen Mun Town Plaza」字樣的圍板，並寫道「新店即將隆重開幕」，但開幕日期有待公布。
翻查資料，今次屯門馬莎重開選址屯門市廣場1期，但並非舊分店位置。該舖位前身為已撤出香港的「Foot Locker」舊舖位，有街坊直言店舖面積較以前小，但仍然難掩興奮，紛紛指「終於返嚟」、「兩年前無咗覺得好唔方便，用開嘅嘢全部都買唔到，終於等到啦」，又直言「要去買麵包芝士同罐頭」、 「希望有嘢食賣」，認為日後無需再走出市區。
大批網民支持馬莎重臨屯門，有人更打趣道屯門區內生活購物愈趨完善，不過「差間IKEA開埋就真係唔駛出屯門」、「（建議）將一層新屯門中心變做IKEA」 ，獲不少網民讚好。另外，亦有人期望屯門市廣場可以重開H&M、ZARA等服務品牌店，令日後無需特意跨區購物。
馬莎百貨屯門店
地址：屯門屯順街屯門市廣場1期1樓1225-1245號舖
開幕日期：待公布
資料及圖片來源：FB@真·屯門友
港生活人氣本地熱話
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
