我哋成日都希望可以帶達成為千萬富翁，就算死慳死抵儲錢都好似無乜可能，惟有寄望中下期六合彩頭奬……但根據一間銀行嘅調查，原來每14個香港人之中，就有一個千萬富翁喇！究竟佢哋有幾多資產呢？另一方面，如果有一個千萬富翁嘅父母，其實佢哋會願意資助幾多錢畀仔女買樓呢？
===========
同場加映：
【家居達人】整理收納專家教你洗衫小貼士 有效去除汗漬汗味方法、室內晾衫快乾秘訣
============
根據花旗銀行調查顯示，以截至6月嘅數據推算，原來全港有40.8萬名千萬富翁，亦即係擁有千萬港元或以上淨資產嘅人！推算出香港千萬富翁人數約佔受訪年齡層總人口7%，相當於每14人就有1位千萬富翁。但原來人數比起去年底，係微跌咗0.5%，數字仲係連續3年下跌。
根據調查，推算出香港千萬富翁人數約佔受訪年齡層總人口7%，但原來人數比起去年微跌咗0.5%，數字仲係連續3年下跌。
是次調查透過電話訪問咗1,700名年齡介乎21至79歲的香港居民，受訪嘅千萬富翁淨資產總值中位數係1,600萬元，較去年底減少3%，但高於2020及2021年。流動資產中位數由去年嘅550萬，減少18%至450萬元。呢批千萬富翁有46%流動資產，配置於現金，股票、基金、債券分別佔30%、19%及3%。
受訪嘅千萬富翁淨資產總值中位數係1,600萬元，流動資產中位數為450萬元。
另一方面，調查訪問咗200名千萬富翁及其年齡介乎13至18歲嘅子女，近7成父母願意支持子女置業，平均金額240萬元。近一半或以上父母，平均願意分別給予38萬元及21萬元，幫助子女舉辦婚禮及旅行。首5年全職就業包括創業，亦願意提供49萬元財政支持。
呢班千萬富翁之中，近7成父母願意支持子女置業，平均金額240萬元。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
