最容易衝動購買但好快唔用嘅家電 究竟你屋企有邊幾樣？

===========
同場加映：
【家居達人】整理收納專家教你洗衫小貼士 有效去除汗漬汗味方法、室內晾衫快乾秘訣

============

嘥錢陷阱1.咖啡機
歎咖啡一直以來都係生活品味嘅指標，但近年大家仲好享受沖泡及調製咖啡嘅過程，唔少人仲特登走去學習沖咖啡，跟住就購買家用咖啡機練習，仲會邀請親友回家欣賞你大展身手，但其實家用咖啡機跟專業咖啡機，喺壓力及溫度控制方面，仍然有一段距離，而家用研磨機亦好容易出現過熱問題，影響到咖啡豆嘅香味以及出嚟嘅顆粒唔均勻，都會影響到咖啡嘅口感，所以只問「玩咖啡」只係三分鐘熱度嘅朋友，真係要諗清楚係咪要買咖啡機。

嘥錢陷阱2.電焗爐
近年好多人去學整蛋糕及麵包，玩得開心後，就紛紛買電焗爐，「幻想」自己日日焗不同款式嘅蛋糕麵包……但熱情過後，漸漸就會發現其實事前準備及事後清潔工夫好多，而且烤蛋糕就需要搭配蛋糕模具，焗月餅就需要買月餅模具……結果，都係去麵包舖買現成嘅嚟食，電焗爐就變成咗家居裝置。

嘥錢陷阱3.氣炸鍋
大家都明白「油炸食品唔健康」嘅道理，於是氣炸鍋就吸引咗唔少家庭主廚們嘅注意。 認為氣炸鍋唔需要將食物放到油鍋中炸，所以一定比較健康。其實空氣炸鍋嘅原理，係利用機器頂部嘅烘烤裝置快速加熱空氣，並在密閉嘅空間內形成循環空氣熱流，快速烹調食材嘅同時，仲會帶走食材表面一啲水分，從而達到外酥內嫩嘅酥脆口感。

雖然氣炸鍋強調耗油少及食得健康，但其實氣炸鍋嘅加熱食品嘅過程中，一般溫度也會超過120℃，會產生丙烯酰胺等嘅疑似致癌物，所以即便是用氣炸鍋烹調食物，其實都不宜吃太多。另一方面，氣炸鍋每次用完都需要清洗，況且時間一長，食材仲好容易同鍋體黏連，所以用多幾次，可能又會置之高閣。

text/Joyce
photo/HKET圖片庫