居屋按揭貸款保證期有機會延長至50年？！ 促進居屋二手市場交投助上車
近期本港樓市淡靜，為促進樓市交投，地產界都預料當局會於新一份《施政報告》，公布樓市「辣招」減辣；另一方面，白居二亦係好多人上車嘅目標，早前多個政黨及團體提出，將目前居屋嘅按揭貸款保證期，由目前的30年延長至最多50年！據消息人士透露，房屋局對延長年期持開放及正面態度，並正與銀行界商討有關詳情，究竟詳情係點呢？
===========
同場加映：
【家居達人】整理收納專家教你洗衫小貼士 有效去除汗漬汗味方法、室內晾衫快乾秘訣
============
房委會自1988年4月起為一手市場及居屋第二市場居屋提供按揭還款保證，向參與財務機構提供按揭貸款保證期最長為30年（「30年減樓齡」），銀行嘅保證期則以房委會承諾擔保期扣減單位首次出售至今的年期。目前全港約有35.2萬個居屋單位，近九成樓齡達20年或以上、四成樓齡逾30年，唔少有計劃置業嘅年輕家庭，目標都是申請「白居二」（白表居屋第二市場計劃），但問題係搵到心水樓盤後，銀行都可能會因為保證期問題，而未能做到「居屋925」計劃，即是九成按揭、分25年還款，最終窒礙咗呢啲家庭嘅置業計劃，同時亦影響居屋二手市場的成交。
二手居屋係唔少人上車嘅目標。
目前房委會會向銀行提供30年按揭還款保證期，令買家申請九成按揭，並於25年內還款，俗稱居屋「925」安排。對於未補價居屋於第二市場轉售時，銀行喺審批九成按揭貸款時，會以保證期嘅30年減去樓齡，以決定還款期，令打算購買高樓齡居屋嘅準買家，申請九成按揭難度大大增加。
例如以復建居屋前最後一期嘅沙田愉翠苑二期為例，單位首次出售時間為2002年7月，距今已約21年，換言之該批單位只餘下9年擔保期（30年減21年樓齡），若該批單位現時轉售，銀行會較難批出「925」，令想入市人士卻步。而近年「白居二」及居屋第二市場成交情况，每年平均成交分別不足2,000宗。
以復建居屋前最後一期嘅沙田愉翠苑二期為例，單位首次出售時間為2002年7月，距今已約21年，換言之該批單位只餘下9年擔保期。
消息人士稱，政府有關當局上月曾與銀行界商討延長資助房屋嘅按揭貸款保證期，並初步擬將目前嘅30年保證期，延至40或50年，細節待定。而過去出現居屋業主斷供而需要政府「補底」嘅情況，個案不算太多，根據資料顯示30多年來，政府只是動用了8至10億港元，相比收回及拍賣私樓銀主盤的私樓市場情況，算是相當「平靜」，因此有相關人士認為，對房委會而言，延長保證期，主要只係牽涉文件上嘅風險，算係合理可控風險範圍之內，可行性唔低。
翻查記錄，過去出現居屋業主斷供而需要政府「補底」嘅情況，個案不算太多，30多年來，政府只是動用了8至10億港元。
text/Joyce
photo/HKET圖片庫
港生活人氣本地熱話
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
【寵主請留步】《社群》送您AQUA PRO+TECH「寵物護理入門套裝」🛁！
