大閘蟹放題!6港人酒樓狂食245隻大閘蟹遭批「肉酸」欲公審 食客反獲力撐:人出蟹佢出命

文: 溫藹紅
2023.10.18

大閘蟹時節又到,近期有酒樓推出大閘蟹放題,其中就有6名港人同檯叫足245隻大閘蟹,並拍下照片分享壯觀場面,然而有網民就「睇唔過眼」,批評此舉食相肉酸欲公審,反惹來大批網民力撐,認為講明大閘蟹放題固然是食蟹,直言「人出蟹佢出命」無問題,惹來熱議。

近日有港人前往富臨食大閘蟹放題,並透過Facebook群組「香港大閘蟹關注組」分享戰績,指「今次6個人,食咗245隻蟹」,又附上全檯鋪滿大閘蟹殼的相片,望落相當豪氣,並指限時2小時「無食(蟹)腳」,隨即於網上引起討論。

然而,網民對此反應不一,有人及後於其他群組轉載帖文,狠批該6名人士食大閘蟹「出醜」,留言指「香港人食相咪一樣咁肉酸」,欲公審大閘蟹食客。

網民不認同食相「肉酸」:話明大閘蟹放題係任食

不過,大部分網民似乎並不認同「肉酸」說法,認為「大閘蟹放題」明買實賣,食客狂食蟹並無問題,獲大批網民支持。有人表示,「去食大閘蟹放題唔係為咗食蟹而去架咩?去到吾通嗌飯食咩,仲要人地又無浪費食物,完全吾明做咩要去話人」、「食到你都可以去食架,話明放題係任食架嘛」,有網民則批評「全部腳都無食咁都唔叫浪費食物」?

人均食40隻大閘蟹惹擔心  既寒涼又高膽固醇

話雖如此,不少人認為「懷疑你(批評者)無食過大閘蟹,嗌氣食果幾支牙籤腳,不如嗌多隻食多啖膏」,有經驗豐富食家亦指,正常食一隻大閘蟹包括蟹腳應該15至20分鐘,「酒樓有限時淨係食左啲膏應該都得嘅」。至於奮戰245隻大閘蟹為數不少,有網民較為擔心「既寒涼又高膽固醇,唔敢想像真係搵命博」,有人則直言「人出蟹,佢出命」,經理職員亦無制止,就不成問題喇。

資料及圖片來源:FB@香港茶餐廳及美食關注組香港大閘蟹關注組

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓