大閘蟹時節又到，近期有酒樓推出大閘蟹放題，其中就有6名港人同檯叫足245隻大閘蟹，並拍下照片分享壯觀場面，然而有網民就「睇唔過眼」，批評此舉食相肉酸欲公審，反惹來大批網民力撐，認為講明大閘蟹放題固然是食蟹，直言「人出蟹佢出命」無問題，惹來熱議。
近日有港人前往富臨食大閘蟹放題，並透過Facebook群組「香港大閘蟹關注組」分享戰績，指「今次6個人，食咗245隻蟹」，又附上全檯鋪滿大閘蟹殼的相片，望落相當豪氣，並指限時2小時「無食（蟹）腳」，隨即於網上引起討論。
點擊圖片放大
然而，網民對此反應不一，有人及後於其他群組轉載帖文，狠批該6名人士食大閘蟹「出醜」，留言指「香港人食相咪一樣咁肉酸」，欲公審大閘蟹食客。
點擊圖片放大
網民不認同食相「肉酸」：話明大閘蟹放題係任食
不過，大部分網民似乎並不認同「肉酸」說法，認為「大閘蟹放題」明買實賣，食客狂食蟹並無問題，獲大批網民支持。有人表示，「去食大閘蟹放題唔係為咗食蟹而去架咩？去到吾通嗌飯食咩，仲要人地又無浪費食物，完全吾明做咩要去話人」、「食到你都可以去食架，話明放題係任食架嘛」，有網民則批評「全部腳都無食咁都唔叫浪費食物」？
人均食40隻大閘蟹惹擔心 既寒涼又高膽固醇
話雖如此，不少人認為「懷疑你（批評者）無食過大閘蟹，嗌氣食果幾支牙籤腳，不如嗌多隻食多啖膏」，有經驗豐富食家亦指，正常食一隻大閘蟹包括蟹腳應該15至20分鐘，「酒樓有限時淨係食左啲膏應該都得嘅」。至於奮戰245隻大閘蟹為數不少，有網民較為擔心「既寒涼又高膽固醇，唔敢想像真係搵命博」，有人則直言「人出蟹，佢出命」，經理職員亦無制止，就不成問題喇。
點擊圖片放大
資料及圖片來源：FB@香港茶餐廳及美食關注組、香港大閘蟹關注組
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
