唔少人都話香港生活費用高昴，退休後都要考慮搵個生活費指數低啲嘅地方居住………其實香港強積金制度自2000年起推行之後，屢遭批評，好多人都質疑MPF根本唔足夠維特長者基本生活需要……咁究竟全球邊個地方嘅退休金制度最好呢？諮詢公司美世（Mercer）日前就發佈《美世CFA協會2023全球退休金指數》（Mercer CFA Institute Global Pension Index），榜首就係荷蘭，咁究竟香港排名第幾呢？喺亞洲地區當中，香港嘅表現算唔算好呢？
===========
同場加映：
【家居達人】日本人教風呂敷 5 大包法 一布變購物袋+必學打結技巧
============
呢個《美世CFA協會2023全球退休金指數》研究，使用咗經合組織嘅數據，對全球47個國家及地區嘅退休金制度進行評級及排名，該指數使用三個分項指標 — 充足性、可持續性及完善性，按50多項指標來衡量每個退休收入制度。結果顯示，荷蘭以85分排名第一，獲評A級（80分以上），而其餘三個達到A級嘅國家依次為冰島（83.5分）、丹麥（81.3分）、以色列（80.8分），當中冰島為去年榜首。報告指雖然荷蘭退休金制度目前正進行大改革，從集體福利結構轉向更加個人化，但喺強大嘅資產基礎及非常健全嘅監管支持下，荷蘭應該將繼續能提供非常好嘅福利，所以評分最高。目前荷蘭所有僱員都擁有私人及公共退休金帳戶，其退休系統由三個部分組成，公共退休金根據所有退休人員在該國生活和工作嘅時間提供統一費率，其次係半強迫性要求雇主為所有員工提供退休金，第三部份則為個人可自行透過投資儲存退休金。
今次全球退休金指數數研究報告結果，荷蘭以85分排名第一，獲評A級。
排名第二嘅冰島（83.5分），去年排名第一。
至於第5至10名，依序為澳洲（77.3分）、芬蘭（76.6分）、新加坡（76.3分）、挪威（74.4分）、瑞典（74分）及英國（73分）。至於香港人熱門移民目的地嘅加拿大就排12、美國排22，而47個調查國家中排最尾嘅，係阿根廷。
香港人熱門移民國家澳洲，排名第5。
香港跟美國同屬C+級別 排名比日本韓國高
由上面結果可見，位列第7嘅新加坡，係唯一能打入十大嘅亞洲國家及地區，評級為B+，名次比去年升2位，報告指，新加坡總分有進步，係因爲退休金覆蓋率提高。而香港今年就得64分，排名第21，總分比去年下滑0.7分，名次較去年的第19再跌2位，獲評級為C+。跟香港同屬C+級別嘅，仲有哈薩克斯坦、美國、法國、西班牙、哥倫比亞及克羅地亞。至於其他亞洲地區嘅排名，日本排名30位、馬來西亞排第32、中國第35名，台灣排第39位、韓國則是42名，全屬於C級別。
總排名第7位嘅新加坡，係亞洲地區排名最高嘅國家。
日本排名30位，比排名21位嘅香港低。
報告中就香港退休金制度作出一啲建議，包括：
1. 將一部分的退休金視為收入來源；
2. 增加家庭儲蓄水平和降低家庭債務水平；
3. 基於港人的預期壽命增加，提升老年人的勞動力參與率；
4. 設立制度保障僱員離職後的退休金。
根據滙豐上月發布嘅首份《生活質素報告》顯示，香港受訪者表示需要110萬美元（約860萬港元），先可以擁有舒適嘅退休生活，而受訪者表示按目前儲蓄，離目標仍需81.5萬美元（約637萬港元），差距達74%，受訪者平均希望喺60歲退休，但超過7成受訪者表示準備在退休後繼續工作，其中67%嘅受訪者指繼續工作因想提升財政安全，40%認為是為得到醫療保險保障。
根據滙豐上月發布嘅首份《生活質素報告》顯示，香港受訪者表示需要約860萬港元，先可以有舒適嘅退休生活。
至於強積金表現，9月份投資虧損約2.76%，涉及約308億元，即469萬名強積金成員平均虧損約6,600元，令強積金今年累計投資收益首次出現負數；至於第三季強積金投資虧損約352億元，相等於每名成員平均虧損約7,500元。以今年至今計，強積金投資虧損累計約30億元，相當於每名成員平均累計投資虧損約600元。
以今年至今計，強積金投資虧損累計約30億元，相當於每名成員平均累計投資虧損約600元。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
