房協沙田長者住屋「松悦樓」即將落成 即睇申請資格！可享終身免租及免差餉？
若果閣下有親友係居住於香港房屋協會（房協）出租屋邨嘅長者嘅話，就要留意：由即日起，房協轄下所有出租屋邨嘅全長者寬敞戶，可以申請調遷至全新長者住屋項目「松悦樓」，獲編配單位嘅合資格住戶，仲可以享終身免租，以及一次性的搬遷津貼，究竟詳情係點呢？
===========
同場加映：
【家居達人】日本人教風呂敷 5 大包法 一布變購物袋+必學打結技巧
============
「松悦樓」位於沙田乙明邨、以「組裝合成」建築法興建嘅全新長者住屋項目，預計最快2024年第二季可入伙。「松悦樓」係專為房協全長者寬敞戶而全新興建嘅項目，該項目樓高10層、提供64個長者友善單位，屬開放式設計，內部面積約21平方米，可供1至2人居住。每個單位配備廚櫃、抽油煙機和電熱水爐，仲有長者友善設施包括大門高低雙防盜眼、全屋低門檻、趟門洗手間、浴室扶手及防滑浴椅、易開關水龍頭，以及圓角嘅矮身廚櫃等，均貼心照顧長者及輪椅使用者嘅日常生活需要。由即日起，房協轄下所有出租屋邨嘅全長者寬敞戶，可申請調遷至「松悦樓」嘅全新單位。「松悦樓」地下為康樂中心，方便舉辦聯誼及康體活動，大廈一樓將會接駁乙明邨現有嘅行人天橋，讓長者住戶輕鬆直達邨內嘅街市及其他社區設施，促進長者與社區融合。
「松悦樓」提供64個長者友善單位，屬開放式設計，內部面積約21平方米，可供1至2人居住。
單位內提供大量長者友善設施，如趟門洗手間、浴室扶手及防滑浴椅等。
「松悦樓」地下為康樂中心，方便舉辦聯誼及康體活動，大廈一樓將會接駁乙明邨現有嘅行人天橋，讓長者住戶輕鬆直達邨內嘅街市及其他社區設施。
凡房協轄下所有出租屋邨嘅全長者寬敞戶（郊區公共房屋及乙類出租屋邨除外），即全部家庭成員於2023年11月30日或之前年滿60歲，無擁有任何香港住宅物業，均可申請調遷至「松悦樓」。若所有家庭成員均已年滿65歲，更可獲優先編配單位，乙明邨嘅全長者寬敞戶會獲優先編配安排。房協已向所有合資格嘅全長者寬敞戶派發申請表，住戶可於今年11月30日或之前，將填妥嘅表格交回所屬嘅屋邨辦事處。成功獲編配入住「松悦樓」嘅住戶，如居住期間一直符合相關免租規定，一律可享終身免租及免差餉，並可獲一次性嘅搬遷津貼，以鼓勵全長者寬敞戶騰出其原有單位，供編配予有需要家庭，達至善用公共房屋資源嘅目標。
凡房協轄下所有出租屋邨嘅全長者寬敞，即全部家庭成員於2023年11月30日或之前年滿60歲，無擁有任何香港住宅物業，均可申請調遷至「松悦樓」。
text/Joyce
photo/HKET圖片庫、香港房屋協會
港生活人氣本地熱話
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
