傳銷騙局?港男親歷拆解5大傳銷新手法!參加聚會「洗腦」精神折磨5小時 事主:灌輸借錢價值觀

文: 溫藹紅
2023.10.27

傳銷騙局多年來持續不斷,但仍然有不人受誤導墮入「層壓式推銷」深淵。最近有港男就分享自己的親身經歷,並拆解5大傳銷新手法,其中包括邀請參加工作坊或聚會、聽傳銷講座等,其中「洗腦」5小時最令其精神崩潰,認為疑灌輸借錢價值觀,籲年輕人勿輕易上當。

1. 邀請參加工作坊或聚會 拉攏認識新朋友

該男網民指出,透過工作上認識的朋友,始親身「體驗」傳銷活動手法,該友人表示自己營運社群(clubhouse),定期會舉辦活動予其他會員參加,例如香水、蠟燭、永生花等手工製作,「活動過程我feel到啲人係異常熱情,個個都喺度同我懶friend,會不斷附和我講嘅內容,俾(畀)你感覺呢度啲人好親切」。

2. 熟絡後邀請參觀公司 塑造美好工作環境

兩人認識3個月期間,該友人帶他參加不同聚會,包括燒烤、落Club(夜店)、Party room(派對房)、做Spa等,「一開始我都冇乜嘢,咪當識吓新朋友,傾到佢哋feel到我冇戒心嗰陣,就叫去我佢哋公司度睇吓」。他應約跟隨前往位於九龍灣的公司食飯,友人隨即向他介紹公司設施包括健身室、遊戲室等,「塑造到公司環境好chill」。

3. 飯後上樓聽傳銷講座  吹噓賺錢能力獲崇拜

直到第2次約食飯,友人再度邀請其前往公司餐廳用膳,及後便帶他去樓上聽講座,「聽talk之前啲傳銷X會係咁話講師有幾勁,有好多人都崇拜佢,而個講師我都有做過research,係傳銷高級老千嚟」。正式聽講座,他指出,講師會提及自己做銀行家年薪百萬,「講幾句嘢台下面嘅聽眾就會講啱啊,冇錯,好等等嘅附和說話」,惟未有太多實用資訊,「就係不斷咁吹噓自己之前賺幾多錢,之後我個friend仲要叫我mark低佢講嘅嘢」。

4. 傳銷人員輪流展示支票 「洗腦」5小時氹落疊

傳銷講座時長約2小時,正當以為完結之際,他指出「個talk完咗仲要成班一齊反思學咗啲乜」,傳銷人員會再介紹新人予參加者認識,「佢哋每一個人講嘢都有格式,就係自己以前幾廢,入嚟做之後有幾成功」,說畢每人均會展示一張支票及個人身份證,以搏取信任。他續指:「由6點幾開始精神折磨我到11點幾,定力差少少都比佢哋氹到,好彩一早做曬research知道啲套路。」

5. 邀請參加「現金流」桌遊+周末課程

他表示,傳銷人員稱將帶其大玩名為「Cash Flow(現金流)」的桌遊,並邀請他於周末參加該公司舉辦的課程,不過樓主認為,「想用board game形式灌輸借錢投資嘅價值觀」居多,因此以需工作為由拒絕參與。對於是次經歷,他直言世上沒有不勞而獲,「想警戒後生仔唔好搵快錢」,籲勿上當。

層壓式推銷手法千變萬化,亦是部分人對「傳銷」抱負面評價的原因之一。該類公司參與者主要通過介紹他人加入而賺取佣金,即招攬新會員的入會費,透過一層壓一層賺取「人頭費」,但多數不提供任何產品或服務(或只屬幌子)。根據香港法例第355章《禁止層壓式推銷法條例》,任何人明知而推廣層壓式計劃,即屬犯罪。

資料及圖片來源:連登討論區、Unsplash

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓