住屋一向係香港人最關心嘅民生問題，所以亦係特首李家超剛公布嘅《施政報告》入面嘅重要部分，無論閣下住私樓定公營房屋，有計劃買樓，有計劃即將生BB……今次施政報告嘅房屋政策，都有關你事嘅地方㗎！
===========
同場加映：
【家居達人】日本人教風呂敷 5 大包法 一布變購物袋+必學打結技巧
============
A.公營房屋
1.未來10年可供應41萬個公營房屋單位
特首李家超宣讀新一份《施政報告》，指未來十年（即2024-25至2033-34年度）公營房屋需求量為30.8萬個單位，但政府已覓得足夠土地，可興建約41萬個公營房屋單位，超額完成約10萬個單位，可大大縮短輪候上樓嘅時間。而首五年（即2024-25至2028-29年度），連同「簡約公屋」在內嘅公營房屋供應總量，將達17.2萬個單位。並表示公營房屋嘅供應，已成功令輪候公屋時間「封頂」，回落至5.3年。而明年上半年將有超過2,000個單位提早落成，讓公屋申請者可提早上樓。特首又指已落實「私人興建資助出售房屋先導計劃」（「樂建居」），2023-24年度起推出三幅用地，讓私人發展商參與興建資助出售房屋，首兩幅招標用地合共提供至少2,000個單位。
未來10年政府已覓得足夠土地，可興建約41萬個公營房屋單位。
2.房委會延長資助出售單位二手市場按揭貸款保證期，由30年增至50年。
3.房委會正規及進行10個重建計劃，包括華富邨、西環邨、馬頭圍邨等，預計重建後可提供約32,800個住宅單位。
B.樓市撤辣措施
1.將額外印花稅嘅適用年期，由三年縮短至兩年。換言之，業主喺持有物業兩年後出售物業，毋須再繳付樓價10%嘅額外印花稅。
2.買家印花及新住宅印花稅嘅稅率減半，兩者均會由15%減至7.5%，有助減輕已擁有住宅物業嘅香港永久性居民再購買住宅物業時嘅財政負擔，以及非香港永久性居民購買住宅物業嘅成本。
3.外來人才嘅置業印花稅「先免後徵」
即喺購入物業時先暫免徵收買家印花稅及新住宅印花稅等相關稅項，若相關人士其後未能成為香港永久性居民，才繳付相關稅項（即「先免後徵」）。新安排適用於今天或以後簽署的「買賣協議」。
C.解決劏房問題
成立「解決劏房問題」工作組，目標包括：1.為「劏房」居住環境設定最低標準，例如樓宇安全、消防及衞生要求、居住面積等；2.針對不合最低標準嘅「劏房」提出取締方法；3.防止不合最低標準嘅「劏房」再增加。
D.私營房屋土地供應
政府未來五年會準備好可興建約80,000個私營房屋單位嘅土地。
E.鼓勵生育房屋措施
1.屋委會推出「家有初生優先配屋計劃」
今日或之後有嬰兒出生嘅家庭若有申請公屋，可縮減1年公屋輪候時間，加快獲編配公屋，明年4月生效。以目前約13.3萬宗一般公屋申請為例，有一歲或以下初生嬰兒嘅家庭約佔約4%。但據了解，此計劃只能最多縮減一年輪候時間，若申請家庭多生一個嬰兒，亦不能再獲縮減輪候時間。
2.居屋及綠置居預留10%單位及優先揀樓
房委會將推出「家有初生優先選樓計劃」，明年起推出嘅居屋將預留10%單位配額，供喺今日或之後有嬰兒出生嘅家庭抽籤及優先揀樓，直至該名子女年滿三歲為止，而每次出售居屋及綠置居會額外預留單位總數10%作優先選樓。消息指，合資格申請人只需提交一次表格，就會有兩輪抽籤機會，首輪會連同「家有長者優先選樓計劃」嘅申請人，在合共約四成預留單位中抽籤，而即使首輪未能成功，亦可以喺次輪同其他一般家庭申請者一同抽籤。
3.與初生嬰兒同住嘅居所扣稅額由10萬提高至12萬
在2024/25課稅年度起，如納稅人與喺今日或之後嘅首個出生子女同住，其「居所貨款利息扣除」或「住宅租金稅項扣除」嘅最高限額，將由10萬港元升至12萬港元，直至該名同住子女滿18歲為止。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
