港大免費牙周病治療 即睇參加資格、申請方法！
俗語都有話：「牙痛慘過大病」，但好多人即使有牙痛，可能係因為怕麻煩或怕痛而諱疾忌醫，不過亦有基層市民係因為經濟問題而無法及時進行牙科治療， 但原來香港大學牙醫學院有為基層市民而設嘅免費牙周病治療計劃，究竟點樣先合資格參加呢？
===========
同場加映：
【家居達人】專家教原木傢俬訂造貼士 打理方便兼天然零甲醛
============
根據政府統計數據顯示，喺香港有超過8成成年人，存在牙齦發炎問題，有約4成人有唔同程度嘅牙周病，而當中更約有1成人患有達到3至4期嘅嚴重牙周病。牙周病係一種慢性口腔疾病，主要由細菌引起，會損害牙齒周圍組織，令患者嘅咀嚼能力、飲食能力、自我形象，以至整體健康及生活質素都會受影響，但治療牙周病嘅費用唔低，往往超過基層市民嘅負擔能力，香港嘅醫療保障體系又好少涵蓋嚴重牙周病嘅治療費用，令不少人「置之不理」。另一方面，香港本地註冊嘅牙周專科醫生不足60人，患者搵牙醫選擇有限，亦增加搵到合適專業治療嘅機會。
根據政府統計數據顯示，香港有約4成人有唔同程度嘅牙周病，而當中更約有1成人患有達到3至4期嘅嚴重牙周病。
香港大學牙醫學院最近就推出「杜鵑牙周病治療計劃」(“Azalea Gum Treatment Project”)，計劃由專門診治複雜及嚴重口腔疾病嘅「先進牙醫學研究所- 香港大學牙醫專科診所」（簡稱IAD-MSC）主導，現階段目標為約100名合資格基層嚴重牙周病患者，提供免費口腔檢查以及費用全免的全面牙科治療。
點先合乎資格參加免費牙周病治療計劃？
該項計劃旨在為符合以下資格之一的有需要患者提供全面免費的牙科治療：
1.現正領取綜合社會保障援助(綜援)
2.收入不高於最新公屋入息限額
3.公屋居民
此外患者還需符合以下條件：
1.患有以下疾病：口腔癌﹑嚴重牙齦疾病﹑蛀牙﹑牙齒或頜骨畸形
2.身體狀況容許接受牙周病及植齒科治療
3.願意完成整個治療方案並配合治療時間安排
香港大學牙醫學院最近就推出「杜鵑牙周病治療計劃」，為合資格基層嚴重牙周病患者，提供免費口腔檢查以及費用全免的全面牙科治療。
申請者須現正領取綜援、收入不高於最新公屋入息限額及身為公屋居民。
點樣申請？
1. 請填妥並遞交網上申請表格
網址：https://www.smiles.facdent.hku.hk/zh/get-treated
2. 香港大學牙醫專科診所工作人員將會與申請者安排以下事宜：
(a) 提交合資格證明文件，包括相關政府部門發出嘅綜援/公屋結果通知書、租金發票、地址證明等。
(b) 牙醫進行初步檢查，以評估是否適合參加此項目進行治療。
3. 證明文件經核實，以及牙醫判斷適合後，診所客戶服務團隊將與申請者預約第一次治療。
【INFO】
先進牙醫學研究所-香港大學牙醫專科診所
電話：3979 9191（亦可預約口腔篩檢）
text/Joyce
photo/HKET圖片庫
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
