深圳大閘蟹近期人氣高企，全因又平又大隻性價比高！近日繼續有大批港人北上專程去盒馬搶平價大閘蟹，從相片所見，人潮蜂擁而至，人流好比賣場內的大閘蟹，幾乎逼爆全場，你一隻我一隻「左揀右揀」 ，不少網民直言誇張，更擔憂「生蟹都變死蟹」！
隨著上周重陽節，港人放3日連假逼爆深圳各口岸後，有網民再於周三（25日）透過Facebook群組「深圳大灣區國內吃喝玩樂開心分享區」發帖，直擊深圳大型超市盒馬鮮生，有大批顧客勁搶大閘蟹的墟冚場面。
樓主表示，該處是會展中心正門對面皇庭廣場的盒馬鮮生。從相片所見，場內正售賣陽澄湖大閘蟹，驟看「蟹貨」數量龐大，大批顧客正圍著檔口揀選心儀蟹仔，並紛紛拿取保鮮袋打算「入袋」，人流相當誇張，連樓主都指「好多人買」。據了解，盒馬大閘蟹每隻最平賣$29.9元人民幣，如果一次購買4隻則僅需$99元人民幣，並提供額外付費的即時蒸煮加工服務。
點擊圖片放大
愈來愈多港人湧上深圳買蟹，網民雖然見慣不怪，但對於大批客人「上下其手」揀大閘蟹，直言「生蟹都變死蟹」、「上星期見到咁情況才沒買，個個人擇來擇去摩（摸）過晒」、「一人練（捏）一下，乜蟹都死啦」，認為見到都不敢買。有市民就表示，連平日都如此多人流，會選擇去如山姆超市、東門等其他地方購買。
根據香港海關規定，大閘蟹未有列入禁運或受管制物品名單中，若是表明自用，而且攜帶數量「合理」，不論生蟹或熟蟹都可帶入境。不過建議大家出入境前最好留意政府最新規例！
資料及圖片來源：FB@深圳大灣區國內吃喝玩樂開心分享區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓《社群狂歡大激賞》↓
↓送香港迪士尼樂園1日標準門票60張！↓
