香港代購行業愈嚟愈發達，唔只有歐洲代購名牌包包，近近哋連深圳美食都有得代購，送到手都仲暖笠笠。有人睇準商機，將代購進化到「反向團購」，經營一條龍跨境送外賣上門生意，TVB 節目《東張西望》全程直擊，下文即睇實況！
===========
同場加映：
【家居達人】專家教原木傢俬訂造貼士 打理方便兼天然零甲醛
============
節目組首先實試反向代購深圳外賣回港，只要在社交平台上打「反向代購」已能找到不少相關帳戶。落單步驟相當簡單，首先與負責人聯絡，再從內地外賣平台選擇食物，之後負責人會代為下單兼送貨，費用只需在落單時用電子方式支付便可。
《東張》節目組於這次實試中叫了片皮鴨、酸菜魚以及中式包點 3 款食物，下午 2 時落單， 5 時 30 分外賣小哥已準時於上水交收。小哥拉住車仔送貨。表示今日份量已不多，自己每日來來回回，生意相當不錯，甚至連打風嗰幾日都有生意！
影片中可見全部食物都以餐廳外賣袋包裝好再以餐廳貼紙封好避免途中被人開封。食物皆分門別類以不同容器裝好，比香港的外賣用上更多包裝，而收到後都要加熱才可食用。
其實之前有報道曾拿這種反向代購的外賣化驗，結果發現所有食物含菌量超標，懷疑是運送途中滋生。不過港人似乎無懼食物安全，「反向代購」生意愈做愈大。
據節目所講，跨境外賣員每單外賣平均收取$30 港元，假設佢哋從落馬洲搭火車來回，車費只需 $50，一路沿東鐵線交收不出閘，換言之做到 2 單生意便開始有錢賺。但未必越多越好，因為如果在港鐵已付費區域逗留超過 150 分鐘而沒有合理解釋，就要額外支付 60 多元附加費，等於白白送了 2 張單，唔怪之得佢哋咁趕啦！
跨境外賣員通常一人行事，拖著載有最少 6袋貨的車仔穿梭各站，不過由於訂單集中放工時間送貨，難免與其他乘客發生碰撞。代購多數只送東鐵沿線，每等一個客人取貨完畢就會拖車仔趕住搭車去下一站，節目組拍到其中一個叫得最多外賣的港人足足拎咗 4 袋外賣！
相7︰除咗代購，最近更發展到團購生意，齊齊訂購大陸美食。唔少粉嶺皇后山居民都會於午餐或晚餐時間在樓下大排長龍等外賣，女主持訪問了 2 名街坊表示︰「自己買咗啲外賣，應該係大陸送嚟」、「團購買咗雞，之前都試過㗎啦，送到嚟都仲係暖嘅，佢地好快手」。
想加入團購大軍首先要加入通訊軟件 Group拎籌，自行用內地外賣平台揀選食物後再安排在指定時間送去蓮塘口岸商場某舖位。團購負責人就會集齊所有外賣一次過送到屋邨樓下。
節目組到蓮塘口岸直擊，原來每日下午 4 點開始就有不少外賣小哥送外賣到集中地，現場出動 4 人幫忙「執單入箱」才足夠，甚至出動到大膠箱收外賣，相當誇張。包裝好後再用手推車運貨，沿蓮塘過關返香港。
其中一名送貨人表示這種團購一日送午餐和晚餐時段兩轉，每次大約送 30-50 份，不過暫時為確保食物質量只送皇后山。
Text/Circle
Photo/TVB節目東張西望
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
