打工仔為拎津貼擬辭職大計！即日遞信「唔撈」？網友笑翻：正常人唔會咁做

最新一份《施政報告》提到，政府將推出為期3年的「再就業津貼試行計劃」，對象為連續三個月或以上沒有從事任何獲酬工作的40歲或以上中高齡人士。若他們連續完成6個月工作，則可獲發放最高1萬元津貼，而連續完成12個月工作則再多1萬元津貼，即合共2萬元津貼。

新政策隨即引發市民熱烈討論，其後更有打工仔在香港討論區上以「施政報告一出，我下午即刻遞信唔撈！」為題發帖分享辭職領$2萬元津貼大計，形容新政策完全是「天大的喜訊」。該名打工仔在文中提到自己年過40，得知新政策後已馬上遞信辭職，預計會在11月底正式離職，明年農曆新年過後再重新找工作，「今日遞信11月尾離職，跟住玩3個月，由聖誕玩到新年再玩埋過年」。

不過網友對於樓主做法褒貶不一，留言反應兩極，當中有不少人明言支持，「幾時開始？」、「我也跟」、「有冇師兄知道幾時開始實施?同點樣攞到錢?」、「咁我咪合哂標準？我失業左半年，呢個星期先返新工」、「如果大大對自己搵工能力有信心，隨時都可以辭職小休」、「如果本身人工唔高，呢3個月做住跑腿/Uber都唔錯」，更有網友異想天開表示，「真係有呢個獎勵？咁可唔可以同公司夾計，先辭職，3個月後請返，咁得唔得？」、「同公司講，依家辭職，但繼續返工，出現金糧，三個月後請返」。

但亦有網友認為香港疫後經濟復甦不似預期，想要找到啱心水的工作並不容易，提醒樓主別因為一時利益蒙蔽了雙眼，「連續3個月失業，你已經冇咗起碼3個月糧嘞喎」、「依家經濟咁差，唔會咁易搵到第2份」、「用3個月人工去換1萬？？？除非你3個（月）搵少過1萬」、「一年先有一萬，辭職連年終花紅都無埋！傻都識計啦！此福利只識用於自由工作者」、「正常人都應該唔會屎忽痕走去失業為左呢一皮嘢」、「正正經經有收入好能過」、「因少失大，唔做3個月得1皮即係3333/月，萬一搵唔到工仲XX」、「咁樣攞盡政府福利，樓主你真係好嘢，希望樓主你之後搵番份好工」。

來源：香港討論區