打工仔為拎津貼擬辭職大計!即日遞信「唔撈」?網友笑翻:正常人唔會咁做

文: 黃樂恩
2023.10.27

特首李家超日前(25日)發表任內第二份《施政報告》,提到多項「派糖」措施,如發放$2萬元新生嬰兒獎勵金、提高子女免稅額、再培訓津貼增至$8,000等等,其中「中年再就業派$2萬元津貼」引發市民熱論,有中年打工仔得知新政策後,更火速在當日決定遞信「唔撈」,為拎$2萬元津貼做好準備。

最新一份《施政報告》提到,政府將推出為期3年的「再就業津貼試行計劃」,對象為連續三個月或以上沒有從事任何獲酬工作的40歲或以上中高齡人士。若他們連續完成6個月工作,則可獲發放最高1萬元津貼,而連續完成12個月工作則再多1萬元津貼,即合共2萬元津貼。

政策隨即引發市民熱烈討論,其後更有打工仔在香港討論區上以「施政報告一出,我下午即刻遞信唔撈!」為題發帖分享辭職領$2萬元津貼大計,形容政策完全是「天大的喜訊」。該名打工仔在文中提到自己年過40,得知政策後已馬上遞信辭職,預計會在11月底正式離職,明年農曆新年過後再重新找工作,「今日遞信11月尾離職,跟住玩3個月,由聖誕玩到新年再玩埋過年」。

不過網友對於樓主做法褒貶不一,留言反應兩極,當中有不少人明言支持,「幾時開始?」、「我也跟」、「有冇師兄知道幾時開始實施?同點樣攞到錢?」、「咁我咪合哂標準?我失業左半年,呢個星期先返新工」、「如果大大對自己搵工能力有信心,隨時都可以辭職小休」、「如果本身人工唔高,呢3個月做住跑腿/Uber都唔錯」,更有網友異想天開表示「真係有呢個獎勵?咁可唔可以同公司夾計,先辭職,3個月後請返,咁得唔得?」、「同公司講,依家辭職,但繼續返工,出現金糧,三個月後請返」。

但亦有網友認為香港疫後經濟復甦不似預期,想要找到啱心水的工作並不容易,提醒樓主別因為一時利益蒙蔽了雙眼,「連續3個月失業,你已經冇咗起碼3個月糧嘞喎」、「依家經濟咁差,唔會咁易搵到第2份」、「用3個月人工去換1萬???除非你3個(月)搵少過1萬」、「一年先有一萬,辭職連年終花紅都無埋!傻都識計啦!此福利只識用於自由工作者」、「正常人都應該唔會屎忽痕走去失業為左呢一皮嘢」、「正正經經有收入好能過」、「因少失大,唔做3個月得1皮即係3333/月,萬一搵唔到工仲XX」、「咁樣攞盡政府福利,樓主你真係好嘢,希望樓主你之後搵番份好工」。

來源:香港討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓