思家大戰|陳茵媺被追問與老公陳豪閨房樂事 李思捷兩度打蛇隨棍上惹來全場嘩然

文: 羅志宏
2023.10.30

由李思捷主持及監製的《思家大戰》第三季,昨晚(29日)播出最新一集,請來台慶劇《羅密歐與祝英台》一眾演員齊齊玩,分別有陳茵媺(Aimee)率領的「祝英台」隊,成員有馬海倫、蔣祖曼、古佩玲、羅毓儀;對戰周嘉洛率領的「羅密歐」隊,成員有吳子冲、徐文浩、邵展鵬、鄺潔楹。

首次作客《思家大戰》的陳茵媺甫出場就表情多多,全程亦古靈精怪,轉數之快更不輸李思捷,成為氣氛王No.1。尤其被問到「一對好恩愛嘅夫妻,每一日至少一齊做一次嘅嘢」問題時,陳茵媺即亢奮搶答「錫錫」,當李思捷質疑:「一日一次喎!」陳茵媺先爽快回答:「至少吖嘛!」李思捷即打蛇隨棍上:「咁你同阿Mo(陳豪)一日咀幾次?」場而瞬間起哄。

陳茵媺聞言即嬌俏大賣關子:「唔話畀你聽!」之後羅毓儀回答同一條問題時,做出「嚇到吃手手」及「掩臉」等小動作,經歷多重內心掙扎後,「尷尬滿滿」害羞吐出兩個字的答案,意即「行房」,惹來全場嘩然。

接著,李思捷則借勢追問陳茵媺:「你同阿Mo係咪都一年做足365次?」豈料陳茵媺理直氣壯回應:「At least」,全場再度陷入盛典氛圍。

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓