土瓜灣小食店近日被投訴污糟，有食客表示光顧小店時，目睹腐皮角串燒不慎跌落地下，但店家面不改容拾起後，繼續放上爐面燒畀客，令其大感震驚，直斥做法「無良」，其中有街坊疑大曝料，稱見過店家多次明目張膽，在地下洗肉及開生蠔，引來網民熱議並大罵「好恐怖」！
最近有港人透過Facebook群組「To Kwa Wan 土瓜灣之友」發文投訴，鬧爆土瓜灣一間小食檔「X記小食」涉嚴重衞生問題。她表示，自己理解外出用膳未必處處乾淨衞生，然而在光顧小食檔欲買串燒，豈料於「喺我面前成串嘢跌咗落地」，「個塊黑掹掹又有千年油煙，阿嬸竟然執上嚟擺上個爐面，然後阿哥攞去沖一沖水（極速），再擺返上爐面燒兩燒，仲想扮無事入袋比（畀）我，係咪癲X咗」？
店員妄顧衞生兼發悔氣 熟客嬲爆斥做法「無良」
樓主表示，自己一向喜愛該串燒小食店，認為「又平又好食又開得夜，亦不嬲都知佢咩環境」，但今次作為客人，竟然親眼目睹店員竟妄顧衞生，並當著顧客面前「面不改容」重燒已掉地上的食物，向店家反映「阿嬸（店員）仲要西我面發悔氣」，認為一串腐皮角成本不算極貴，怒斥做法「無良」，最終樓主扔掉整袋食物，並揚言永不幫襯。
街坊揭長期有老鼠出入 試過食到有曱甴仔
事件引來大批街坊關注，同時驚揭該小食店環境食物「污糟」於區內已非新聞，該串腐皮角或只屬冰山一角。不少街坊留言分享自己經歷，指「呢間一直都污糟，叫過酸辣粉碗碗都有曱甴仔，換完一碗都係繼續有」、「我都試過食到最後先見到有半隻屍體，得半個身，唔知咩昆蟲，諗起都反胃」，並指該處長期有老鼠出入，衞生情況欠佳。
店員地下洗肉開生蠔 見過雞翼跌落渠口+老鼠咬
有網民更分享相關相片指，該店員工會於街邊地下開生蠔，有人更指「見過幾次係地下洗肉」、「佢夜晚嘅時候成盤雞翼放喺地下無人理，啲老鼠喺側邊咬緊」。
此外有網民亦指「有一日下午見到佢哋洗雞翼，成（起碼5-60隻）兜（一大盆）車咗喺渠口，然後再執返入兜或盆，之後都冇再幫襯」，及後獲其他街坊分享影片，佐證該店在地下處理食材的實況，令不少人直言嘔心。連網紅Matt Leung（Matt哥）都忍不住留言，指「垃圾學人開食店」，大家出外用膳記得都多加留意！
資料及圖片來源：FB@To Kwa Wan 土瓜灣之友
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
