唔少港人家中都會聘請外傭，幫手打理家頭細務，但原來請外傭亦暗藏種種風險，隨時損失慘重？早前有港爸在社交平台發文，指家中外傭不但偷現金，更將家中總值約20萬元的金器首飾拿去當舖典當，直到現在也只能夠贖回部分。隨後還發現外傭竟然做了一件事，讓他大吃一驚，並苦口婆心奉勸其他僱主一定要「好好注意自己的工人」。
有港爸10月25日在Facebook群組「聘請工人姐姐關注組」上發文，講述遭外傭偷竊財物的慘痛經歷，他在文中提到「個工人姐姐原來一早爆咗我櫃，攞咗我二十幾萬金器去押當」，長輩所給的金器早已被盜竊一空。從他上傳的照片可見，外傭將金器首飾拿到不同的當舖典當，當舖遍及港九新界。
港爸得知後已馬上報警處理，但警方說「就算去押舖找回贓物，我都要攞錢去拿回自己的金器」。後來在警方的介入和調停下，原本他已決定讓外傭繼續在家打工還清偷竊財物。但沒想到警察離開後，外傭突然再次爆料「喺大耳窿借咗十多萬，報的都是我地址，我自己亦借了兩萬多元給他」，查問期間更發現，原來連大兒子都被偷錢，櫃桶裡的$5,000現金亦被盜取，才讓港爸意識到事態嚴重性。
事隔3日，港爸在相同群組更新狀況，表示目前只贖回7成金器首飾，其餘的無法贖回，又指警員在調查期間透露，「個差人叔叔話畀我知，原來好多姐姐都係偷咗十零廿萬之後就博拉，佢地全部都係匯款返印尼買屋買地，坐幾年就返印尼享福，唔知係咪真」。
帖文一出，即引來大批網友熱議，不少人不認同港爸繼續好心收留外傭的做法，紛紛留言指「咁都唔炒？應該拉佢坐監」、「唔好放過個工人」、「仲繼續做？見到佢都嬲啦」、「此工人不能留，無信任可言」、「點都好，唔留得啦！佢爭咁多街數要還」、「賊留在家中，可能仲傷」、「留個外賊係屋企等於放吳三桂入屋」。亦有網友認為家中有請外傭，就不應該放太多貴重物品，「有外人住，唔應該放貴重野起屋企」、「 金器就咁放無鎖？」
而港爸亦有對此回覆，指外傭在9月至10月期間曾聲稱家人入院為由向他借2萬元、又要求10月提早出糧，相信早已有預謀「走佬」，其後外傭更在「10月一個星期內借盡三條財仔，同一個星期內攞埋最重嘅金器去押當，只係今次佢走唔切」。對於今次經歷，他概嘆自己太信任外傭才會讓對方有機可乘，「我對於自己未能管理好自己財物感到愚昧，亦可能是對姐姐的過份信任導致自己損失」、「啲金器放咗響嗰個位好多年都冇動過，嚴格嚟講自己都唔記得自己有金器放咗響屋企」、「全因我家中只是用很簡陋的舊式鎖匙櫃桶，亦沒有依時檢查財物」，最後他在留言中苦口婆心奉勸其他僱主要好好留意家中外傭，「不要再發生像我一樣愚昧的過錯」。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
