個個都想安居樂業住得好，但除咗間屋呢個硬件，係咪可以同鄰居們愉快和睦相處，其實都非常重要！節目《東張西望》就報導咗兩個現居於公營房屋嘅個案，都不幸地畀樓上單位嘅住客，日日夜夜用噪音騷擾，搞到無覺好瞓，就算當事人同節目組上門向樓上單位住客反映慘況，但情況都似乎無改善……呢個情形下，如果向房署要求調單位嘅話，要符合乜嘢條件呢？
===========
同場加映：
【家居達人】專家教原木傢俬訂造貼士 打理方便兼天然零甲醛
============
個案1：夜更司機上手業主同樓上積怨 無辜禍延自己！
節目中個案1嘅事主劉先生，今年初用公屋換咗長沙灣居屋麗翠苑一個單位，自從6月底入伙，樓上單位已不斷發出噪音，每朝都不斷有敲錘仔、拉枱聲同乒乓球聲，劉生更係夜班貨車司機，每朝都係凌晨三、四時先返屋企瞓覺，但每日都瞓唔到三、四個鐘，就被樓上嘅嘈音吵醒，聲音係持續性密集式高強度嘅敲打聲！有時日間都會繼續有噪音，喺訪問途中樓上又傳來敲嘢聲。劉生自問同樓上單位「無仇無怨」，但後來劉生發現呢件噪音事件嘅原因，竟然係因為樓上同上一手業主結下仇怨！
事發地點為長沙灣居屋麗翠苑。
事主劉先生（右）屋企最期受樓上單位噪音困擾。
由於劉生為夜更司機，機上單位持續嘅噪音問題，令佢日間不能入睡。
上一手業主為一對夫婦加兩個小朋友，疑似小朋友夜晚玩得好大聲，嘈到樓上，兩家人互相投訴，有咗積怨，所以樓上住戶先有呢種「報復式行為」。劉生有向樓上住戶解釋過係新搬嚟，唔認識上手業主，係透過地產公司搵樓，但樓上住戶唔相信。節目組搵樓上單位，但住戶唔願出鏡亦拒絕回應。劉生曾向管理處拆訴，但對方表示樓上單位嘅嘈音，無論音量同發出時間，都無觸及違法水平。喺無計可施之下，而家劉生唯有「斬腳趾避沙蟲」，走去貨車瞓，但精神同健康都變差，劉生只有覺得好無辜及無奈。
節目組上過樓上搵單位屋主，但對方拒絕回應。
劉生懷疑事件係樓上屋主同自己單位上一手業主結怨，對方報復卻無辜禍延自己！無計可施之下，唯有「斬腳趾避沙蟲」，走去貨車瞓。
個案2：樓上阿伯日夜敲地板 導致天花屎剝落兼滴水！
另一個個案，係彩虹邨事主余小姐一家三口，樓上單位由今年初開始，不斷有噪音，一個星期內至少有四至五日，每次最少維持一小時，試過半夜兩點開始，敲足幾個鐘，根本無法入睡；余小姐試過搵樓上住戶，親眼目擊對方喺度敲地板，但對方一時聲稱水管堵塞要處理，但有時又唔會理會余小姐及家人，繼續敲地板。但更大鑊嘅係：由於樓上住客長期敲地板，導致余小姐單位嘅天花已經穿咗！有啲位置甚至有石屎剝落，廚房頂天櫃也被敲穿！有一晚十時多，更發現天花板有幾個位置滴緊水，包括廚房同客廳，搞到好多家具及廚房用具唔用得！節目組搵樓上單位住客，樓上阿伯話喉管有問題，但拒絕房署協助，要自己搞掂，呢頭應承話唔敲地板，但轉頭又再敲。余小姐搵過房署想調遷，但對方表示需要搵醫生證明，因為噪音引致精神出現問題﹗
個案2事發地點為彩虹邨。
余小姐（左）樓上單位由今年初開始，不斷有噪音，一個星期內至少有四至五日，每次最少維持一小時，試過半夜兩點開始，敲足幾個鐘，根本無法入睡。
由於樓上住客長期敲地板，導致余小姐單位嘅天花已經穿咗，有啲位置甚至有石屎剝落！
余小姐屋企更出現天花滴水，而廚房頂天櫃也被敲穿，水由櫃入面滲出嚟。
節目組搵樓上單位住客，樓上阿伯話喉管有問題所以敲地板，但又拒絕房署協助，要自己搞掂，呢頭應承話唔敲地板，但轉頭又再敲。
text/Joyce
photo/電視節目截圖、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
