香港人在北京|陳展鵬吳若希夫妻攤牌戲一言一語谷到眼紅紅 拍足幾Take為演出真實感

文: 羅志宏
2023.10.31

TVB台慶劇《香港人在北京》進入結局周的劇情越趨緊張,昨晚(30日)講到Helen(吳若希飾)踢爆港仁(陳展鵬飾)隱瞞與蘇菲(蔡潔飾)同遊珠海,Helen嬲爆向港仁興師問罪,港仁解釋隱瞞此事只是擔心她會胡思亂想。

劇情講到Helen(吳若希飾)聞言再度怒火中燒:「點解我同蘇菲有一個一樣嘅手袋,就係因為你做錯嘢,就係因為你覺得對我唔住,所以買番個手袋氹我開心!」、「如果我唔係搵人查你,我一世都唔會知!」港仁反斥Helen暗中調查他,拋下一句:「我哋兩夫妻,搞到你查我我查你,咁就叫做信?」最終Helen嬲爆離家出走,兩夫妻關係陷入冰點!

陳展鵬與吳若希於這場攤牌戲演繹到位,兩人你一言我一語谷到眼紅紅,吳若希的落淚表情更是令人心噏,戲味十足!陳展鵬坦言這場攤牌戲拍了幾個Take:「我希望盡量搵到個好節奏,演到嗰種真實感。畢竟我哋都結咗婚係過來人,現實中喺屋企少不免都有啲嘈吵同磨擦,有時都會傷到個心,更何況我同Jinny喺套劇中有第三者介入,係件好嚴重嘅事,希望呢場戲演到嗰種真實感。」

提到不少網友大讚他與吳若希火花十足,陳展鵬說:「我對Jinny嘅評價都好高分,平時我好少同對手講應該要點演,我覺得真正嘅好拍檔要因應住大家嘅感覺去合作,亦都好多謝Jinny咁信任我,如果佢唔信任我,出到嚟嘅CP感唔會咁強。」

講到吳若希於《香港人在北京》的演出獲讚有驚喜,展鵬說:「作為佢嘅拍檔當然為佢感到開心,證明我同佢嘅互動好有火花!之前同過唔少女演員合作,但同Jinny合作係有啲唔同,始終佢演戲經驗比較新,但佢對角色拿捏得恰到好處,演出笑中有淚嘅感覺。」

 

同場加映:【今期Chill抵】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓