李思捷、阮兆祥、王祖藍重磅合體主持TVB綜藝節目《福祿壽訓練學院》，宣傳片中王祖藍、李思捷、和阮兆祥分別扮演「淋作」、「蔡燶華」及「肥蝦」，成功引起話題。有網民大讚王祖藍扮相入型入格，連林作都有回應。
福祿壽闊別六年再亮相TVB節目，無綫早前舉行《節目巡禮2024》，透露李思捷、阮兆祥、王祖藍將再度合體主持綜藝節目《福祿壽訓練學院》。節目定位為香港首個扮嘢真人Show，三人將親身落場宣揚「扮嘢」文化，並全球公開招募扮嘢精英及潛質學員，培育有強烈表演欲新世代藝人。
根據早前播出的宣傳片，李思捷、阮兆祥、王祖藍惡搞《中年好聲音》，最搶眼的必數王祖藍扮演的「淋作」，一頭個性亂髮再加「我嘅律師團隊未嚟之前，我係唔會回應你任何嘢嘅」，加上2名「便裝探員」箝上台，認真還原！
林作其後分享相關內容，並回覆「要招募扮嘢之王，非我莫屬啦」，又指「TVB 節目巡禮重中之重 = 林作，這就是我的實力。」有網民提議林作扮王祖藍，又鼓勵他「快啲報名啦」，亦有網民認為「髮型唔似喎都無飛出嚟」、「無露鼻毛，唔似。」
點擊圖片放大
來源：TVB、林作@Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
