香港外賣員搵幾多？最近一名在外賣公司任職外賣員的港男，於網上分享自己一個月收入超過$3萬元，形容非常不錯，不過就大曝自己月內做足232個小時，嚇親一眾網民質疑「咁都叫輕鬆」？不過都有不少網民認為收入可觀，算「高過唔少人啦」！
近日一名港男於連登討論區發帖，以「輕輕鬆鬆送外賣月入3萬」為題，分享外賣員的最新收入。從截圖可見，樓主於香港某外賣公司做外賣員，由今年10月1日至10月30日止，一個月淨收入總額達$31,242，當中包括基本服務費（$30,769）、Quests（$50）及貼士（$422.5），認為非常不錯！
雖然月入$3萬，但根據資料顯示，樓主一個月31日的送遞時數足足有「232小時5分鐘」，每小時平均淨收入達$134.62，隨即引來大批網民討論。不少網民直言，若以30日無休作計算，樓主平均每日需要工作8小時，認為「咁都輕鬆」？另外有網民更指「我返少你一半都嗌緊辛苦」、「當佢返20日，每日11至12時， 咁同大部分辦公室打工仔咪一樣」。
同場加映：【衝出嚟玩】最新影片
不過，有網民就覺得算是輕鬆，如果按時薪計算已高過不少打工仔，「當佢返22日，都有兩萬頭，其實都唔錯啦」；加上工作環境有別於文職，「辦公室要煩人事，要受氣比上司X，送外賣玩下電話行下又一日，收工真係收工」、「想做就返，想休就休」，但認同搵的都是辛苦錢，尤其是夏天及雨季開工或暴曬、沒有升職空間等，「可以做到幾多歲」？
資料及圖片來源：連登討論區、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
