蝸居睇樓團｜九龍城單幢樓盤送裝修連傢俬 龍師傅話你知！出生年份搵風生水起單位(下集)+ 催旺顏色

===========
同場加映：
【家居達人】達人教路！4款易整健康狗零食  啖啖肉棒棒、雞飯版Tiramisu、零技巧生日蛋糕

============

一房單位 送裝修連傢俬
上集帶大家睇完九龍城瓏碧的兩房單位，兼介紹附近的交通、民生配套以及大廈的設施，今集就同大家睇埋一個面積281呎，位於高層的一房單位，這個單位工作平台以及睡房的景觀相當開揚，可望九龍寨城公園以及維港景色，加上樓底有3.45米高，就算加建閣樓，也不會有壓逼感。
而單位最大賣點，不只附送西門子雪櫃、焗爐、電池爐及全套衛浴設備，一房及開放式單位，更送裝修及全屋傢俬，即買即住，省卻一大筆裝修費。

客廳附送梳化同組合櫃及閣樓

開放式設計，附送附送西門子雪櫃、焗爐、電池爐，而且廚櫃更設有一張伸縮餐枱。

廁所方面附設全套衛浴設備以及無線叉電器。

睡房亦附送雙人床及大型衣櫃。

工作平台及睡房，可望九龍寨城公園以及維港景色。

適合年命卦屬西四宅的座向
上集龍師傅以一個較簡單易明的方法 — 東西四宅，即以出生年份去計算個人最適合的家宅座向。講完東西宅之後，今次就輪到西四宅：「如果計出嚟嘅年命卦，屬2、6、7及8呢幾個組合嘅話。基本上，大門嘅位置最好係，西南、西、西北同埋東北，就最好喇！」
假若得出的年命卦數字是5的話，那又怎樣計呢？「一般嚟講，我哋會咁講嘅。男寄坤、女寄艮。如男生得出的數字是5的話，就變成2，如女生得出的數字是5的話，則變成8。」講完西四宅後，龍師傅更解答了一般人於風水家宅上會有的問題。

問題1：牆身或傢俬顏色會影響屋企風水嗎？
龍師傅解答：「基本上數字1至9年命卦都有唔同顏色嘅選擇。」

問題 2：屋企嘅整體色調，會唔會直接影響到屋企風水呢？
龍師傅解答：「屋企嘅色調最好似柔和為主，燈大部份偏黃會比較好。如果屋企太多白燈，好似返工咁，都唔係太舒服啦！所以，無論屋企係乜嘢顏色都好，最好都係偏淡同溫暖嘅顏色，會比較有利。如果屋企色調太冷嘅話，對人緣、姻緣同埋工作運都有影響㗎！」

問題 3：如果夫妻或者情侶一齊買樓；一個屬西四宅，另一個屬東四宅，應該以邊個為準則呢？
龍師傅解答：「古代嚟講一定係男人為主，因為係一家之主嘛！但，我覺得唔可以一本通書睇到老，喺而家呢個年代，女生會比較強啲都唔出奇。如果屋企裡面，女生係屋企嘅主力（收入）來源，就當然係女生為主。」

問題 4：睡房比客廳光猛，喺風水學上對戶主會唔會有影響呢？
龍師傅解答：「客廳係我哋嘅名堂位，一定要光猛，但睡房係我哋休息嘅地方，唔適宜光過客廳。於風水學嚟講，如果睡房太光，就係叫陽抗。縱使，大家夜晚先返屋企，日頭嘅時候曬得太過犀利嘅話，會造成幾個問題；瞓得唔好，休息唔夠會容易暴躁，繼而影響人緣及姻緣，亦都唔會有錢剩。如果想生兒育女，都比較難啲。」

問題 5：大廈嘅大堂門口開嘅位置，會唔會影響到戶主嘅運勢呢？
龍師傅解答：「 如果大廈嘅門都靚，再加上屋企大門都靚嘅話咁咪加分囉！所有嘅門口，我哋為之立氣口，就好似人嘅口一樣，如果門口開得靚咁咪好囉，可以餐餐食補品，所以住喺度嘅人，某程度都會加分。」

【info】
Facebook：羅雲龍玄學工作室
玄學預約：6876 3689
九龍城瓏碧詳情：https://allegro-hk.com/?lang=zh-hant

* 如果大家忘記如何計算自己的年命卦
 可以重溫上集內容：https://hk.ulifestyle.com.hk/topic/detail/20018626

Text / Theo
Interview / Yuen
Photo / Kee