抽到居屋已經可喜可賀，仲真係到咗新居入伙……本來應該更加開心幸福，但點知今年剛入伙嘅馬鞍山錦駿苑居民，卻竟然係惡夢嘅開始……好似壞街燈同電梯，但最大鑊係幾乎所有樓層嘅後樓層都堆滿大型垃圾，有啲地方垃圾更堆到出走廊及電梯口，一出屋企門口就見到垃圾山……究竟點解會搞成咁？不妨睇睇電視節目《東張西望》嘅報導。
===========
同場加映：
【家居達人】專家教原木傢俬訂造貼士 打理方便兼天然零甲醛
============
馬鞍山錦駿苑今年剛入伙，但已經出現唔少問題，如壞街燈及壞電梯等，但最大件事，係幾乎各座大廈及每層樓，後樓梯都堆滿大型垃圾，包括紙皮箱、膠布膠紙、裝修後嘅剩餘垃圾等，兩三日無人清理，不單影響到居民出入，更開始傳出異味！大型垃圾甚至堆到出電梯口、走廊及走火通道，住戶幾乎一打開門，就見到一大堆紙皮垃圾，有上咗年紀嘅住客亦擔心會容易撞到垃圾而跌倒。有住戶睇唔過眼，自行將大紙皮攞去戶外嘅垃圾站。
今年入伙嘅錦駿苑，幾乎各座大廈及每層樓，後樓梯都堆滿大型垃圾。
大型垃圾甚至堆到出電梯口、走廊及走火通道，住戶幾乎一打開門，就見到一大堆紙皮垃圾。
住戶有同管理處反映，管理公司表示係請唔到人清潔。其實樓梯已經有告示，寫叫住客自行將大型垃圾及裝修廢料，攞落樓下嘅垃圾收集站，但收效唔大，街坊向節目組表示，懷疑因為超重，大廈電梯都壞過多次。區議員鄭仲恒表示，已經曾經發起過行動，叫街坊自行清理垃圾；至於電梯經常故障嘅問題，鄭仲恒發現應該係因為好多裝修工人攞住大型物件硬闖電梯，結果撞壞電梯門，搞到電梯成日壞，所以令居民更加唔想攞垃圾落街。管理公司職員亦向節目組表示，大部分大型垃圾，都係裝修工人棄置，已加強巡查及勸喻工人，將垃圾放進樓下嘅垃圾收集貨斗。
其實樓梯已經有告示，寫住叫住客自行將大型垃圾及裝修廢料，攞落樓下嘅垃圾收集站，但收效唔大。
至於電梯經常故障嘅問題，區議員鄭仲恒發現應該係因為好多裝修工人攞住大型物件硬闖電梯，結果撞壞電梯門，搞到電梯成日壞，更令居民唔想攞垃圾落樓下嘅垃圾收集站。
管理公司亦張貼告示，每日指定時間派清潔工人收集垃圾，切勿將垃圾放置於大廈公共空間。
管理公司稱已加強巡查及勸喻工人，將垃圾放進樓下嘅垃圾收集貨斗。
text/Joyce
photo/電視節目截圖、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
