元朗永順食店重開！元朗永順食店早前經過裝修後終於重新營業，主打沙嗲牛肉麵及馳名蟹王麵，不過餐廳完全改頭換面，從老牌的舊式茶餐廳，改為新穎清新設計，店面以綠色為主題顏色，惹來熱議。
元朗永順食店早前終於完成裝修重開，餐廳多年來人氣持續，全因其主打的沙嗲牛肉麵大受歡迎，更加獲Facebook「沙嗲牛肉麵關注組」熱捧，更曾有網民稱是全港三甲之一；此外，餐廳馳名的「蟹王麵」更是不少街坊必點的鎮店名物，吸引大批新舊顧客幫襯，店外不時都見到人龍。
永順食店位於元朗一條橫街內，早前店舖停業進行全面裝修，近日（3日）終於翻新成功並已重新開張，不過餐廳則完全改頭換面。從老牌的舊式茶餐廳設計，改為新穎清新風格，店舖招牌採用復古綠色，並標上大大隻「永順」二字。從相中所見，職員均身穿統一制服，店內更加設有以新細明體字體印製的裝飾，寫著「蟹王麵」、「鮮牛肉」、「芝士流心蛋鮮牛治」等，引來不少街坊熱議。
同場加映：【著數慳家王】最新影片
有網民直言，驟看以為是僅有一字之差的「永年」車仔麵，「乜攪成咁呀」、「有啲永年既感覺，新裝修、新人事、新味道」、「（裝修）同銅鑼湾間永年一樣架」、「我覺得個感覺似永年，希望唔好好似永年發咗達咁咁差」，更有網民表示「以為去了食車仔麵」。全新形象開店，但舊店樓面人事未改，樓主表示「換咗件制服啫，都是之前的姐姐」。
不過，有不少街坊就對舊店環境未能忘懷，「都係鐘意之前嘅環境」、「就係想食街邊檔風味，變成咁真係永世唔想去」；有老街坊憶述，「其實我都覺得係我呢間嘢第一次應該喺20年前啊，不過唔知係唔係叫永順，但係肯定係我哋叫蟹王麵，咖啡奶茶一般，去親都仲係食沙嗲蟹王麵，黑媽媽仲要坐摺凳」、「真係住元朗二十六年，睇住佢哋大」，但認為最重要還是要保持食物質素。
永順沙嗲牛肉專門店
地址：元朗安寧路2號冠煌樓地下F號舖
電話：2474 7074
資料及圖片來源：FB@食在元朗、FB@永順食店 Wing Shun Food Shop
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】召集運動愛好者！↓
↓ 一齊參與呢個運動主題盛會！↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
