喺大家好關心有啲乜嘢新公屋落成之際，其實香港有好多位於市區嘅老牌屋邨，樓宇質素及設施已經老化，唔少單位內部會有石屎剝落及裂紋情况，而房委會亦正推行10個公屋重建項目，包括華富邨、西環邨及馬頭圍邨等，而有消息傳出，房委會最近已選定樓齡逾60年嘅彩虹邨重建，預計將於今年年底正式公布詳情，但當中涉及居民達約17,500人，究竟清拆及工程期間居民安置計劃會係點樣呢？
===========
同場加映：
【家居達人】達人教路！4款易整健康狗零食 啖啖肉棒棒、雞飯版Tiramisu、零技巧生日蛋糕
============
房委會會定期評估高樓齡公共屋邨，以確保樓宇狀况安全及適合住戶居住，現時有10個正在進行中或規劃中嘅重建計劃，包括華富邨、西環邨、馬頭圍邨、白田邨（較舊部分）、美東邨（較舊部分）、石籬中轉房屋，以及工業大廈如業安工廠大廈、穗輝工廠大廈、宏昌工廠大廈及葵安工廠大廈。呢10個重建計劃合共清拆約1.7萬個住宅單位及4,800個工廠大廈單位，料未來可提供共約3.2萬個住宅單位。房屋署表示因應2022年《施政報告》嘅提議，正積極嘅目前進行及規劃中的十個重建計劃以外，再選出多一條公共屋邨展開重建，結果日後公布。
有消息指，房委會已選定喺1962年入伙、有61年歷史嘅彩虹邨作重建，預計最快年底正式公布詳情，而彩虹邨有11座，約7,400個單位，居民約17,500人，公屋聯會總幹事招國偉喺電台節目中表示，彩虹邨屬於大規模嘅屋邨，若要重建，難免要分期進行。以位於港島南區嘅老牌公屋華富邨為例，該邨於1967年落成，提供逾9,100個單位，按計劃，華富邨分3期計劃重建及搬遷，預計於2041年先會完成整個搬遷工程，即由2014年提出重建至完成計劃，需時約27年！
1962年入伙嘅彩虹邨有11座，約7,400個單位，居民約17,500人。
於1967年落成，提供逾9,100個單位嘅華富邨，會分3期計劃重建及搬遷，預計於2041年先會完成整個搬遷工程，即由2014年提出重建至完成計劃，需時約27年！
招國偉表示，估計彩虹邨重建計劃亦需分兩至三期重建及搬遷，情况與華富邨相若，由於重建屋邨會原區安置住戶，環顧鄰近居區即將落成嘅公營房屋項目，預料位於觀塘宏照道公營房屋項目，會較大機會用作安置首批彩虹邨住戶。另一方面，彩虹邨喺興建時，因當時啟德機場航道安全考慮而有高度限制，因此樓宇都比較矮，而有關限制喺機場搬遷後已撤銷。因此招國偉預料重建後，彩虹邨可興建達40層高嘅新樓宇，能提供較多單位。
由於彩虹邨興建時受當時啟德機場航道安全考慮而有高度限制，故樓宇都比較矮，但重建後應可興建達40層高嘅新樓宇，能提供較多單位。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
