早前有港爸在社交平台上發文為老婆護航，稱將軍澳某超市職員見衛生巾大減價後，竟一次過掃走全架減價衛生巾，而且付款時也沒有付上$1膠袋徵費，讓他感到非常不滿，於是決定在網上公開事件，直斥該員工行為相當有問題。帖文引起網民關注，但大多數網友卻表示見怪不怪，當中更有不少人質疑事主是否「爭唔贏深深不忿」，即入內文睇詳情啦！
最近有港爸在Facebook群組「將軍澳主場」上發文訴苦，指老婆10月底在將軍澳尚德商場逛超市時，當時有執貨職員提醒另一位女職員，表示某衛生巾品牌進行大減價，原價約每包$33、現減價至$8.5，並示意對方「好抵」、「快啲買」。當時女職員很快便把貨架上所有減價衛生巾一掃而空，直接拿到收銀處結帳，並把所有衛生巾放入白色膠袋裡，沒有付上$1膠袋徵費。
港爸對此感到非常不解，為甚麼該名女職員一取白色膠袋就即刻用，不用機付款作記認、付上$1膠袋徵費，其後他又指出超市減價產品應留給大眾市民選購，並不是全部由員工內部認購，今次事件讓他質疑這些員工在入職時是否接受專業訓練。同時他也希望該超市員工作出深切反省反省，「尊重自己，尊重顧客」。
網友看到帖文後，留言反應兩極，大多數人認為是各行業的潛規則，早已見怪不怪，「員工仲可以用員工價買，但規定收工才可以買，佢哋會一早收起D貨，收工才拿出來過機」、「好多間超市都係咁」、「你都去做百X職員一齊搶平嘢」、「超市職員從來都係咁，只不過今次比你見到」、「內部認購都唔明，樓主係未香港人」、「呢啲潛規則，大家懂的」、「正常不過有好嘢一定益自己友先啦」、「潛規則一直存在所有各行各業，非今天事」。
當中更有網友笑稱，「我覺得唔係佢老婆買，係佢自己去買，但係爭唔贏啲店員深深不忿」、「po主老婆都冇講過自己要買 ，俾人講到爭輸咗咁」、「寫咁大段嘢為咗幾包減價衛生巾....」、「近水流台先得『月經墊』」，並指與前財政司司長梁錦松的2003年買車事件有異曲同工之妙，「呢單野咪同當年梁財爺一樣囉，新車稅要加一早預算案講左，財爺係加稅前買左就俾人嘈」。但也有網友認為該名超市女職員做法不太恰當，紛紛留言表示「直接去（該超市官方）FB投訴佢地」、「同經理講番囉」、「其實對商店員工有不滿應該直接去佢地嘅CS/投訴部門要求跟進」。
來源：FB@將軍澳主場
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
