台慶劇《羅密歐與祝英台》下周踏入結局周，昨晚（6日）一集現驚人高潮，杜拉（江美儀飾）除自揭是Molly（鄺潔楹飾）親生母親，更爆出羅素（潘志文飾）當年為了強搶她做妻子、殺死其丈夫及導致其流產的驚人往事！江美儀大晒視后級層次式奸樣演技，令觀眾直呼心寒。
自上周哥德（楊證樺飾）不聽指令殺死羅家三公子密峰（邵展鵬飾），杜拉即乘勢向羅家展開進一步報復，不惜利用親生女兒Molly令密田（徐文浩飾）及密林（吳子冲飾）兄弟決裂，二人打鬥期間密田更意外碌落樓梯慘變植物人…Molly得悉事件是因杜拉假冒自己身份而起後，前往質問杜拉，最終卻遭杜拉以親生母親身份及死去的家人逼令Molly支持她向無辜的羅家公子們作出報復…
對於Molly與「細媽」杜拉原來是親生母女，網民大表驚訝，有人因為劇情太精彩而認真問：「今個禮拜結局篇咩？」亦因為「細媽」太狠毒，網上掀起「細媽驚魂」，笑言Molly不應輕易相信自己是對方親生女之餘，還覺得「細媽」不用扮好人後將會更加暴走。
江美儀昨晚以超凡演技帶動整集氣氛，無論是假冒Molly身份send message、向Molly坦白一切後再予以威脅，以及與羅素「你死我活」的搏鬥戲碼，美儀均精準拿捏狠毒、慈愛、奸險、心涼及歇斯底里等多重情緒，層次式奸樣讓人看得心寒。
鄺潔楹的表現亦相當吸睛，喊戲更獲讚「夠晒楚楚可憐」，之前鄺潔楹曾透露有向好友林凱恩請教喊戲秘訣，不過該場喊戲鄺潔楹則完全是靠自己：「我要多謝自己，演今場之前兩日，我都係演情緒低落戲，但我覺得自己做得唔夠好，有啲唔開心仲喊咗。跟住我就同自己講，成日問人哋有咩方法演，但其實到最後都係要靠自己，我真係要諗一個方法去解決。因為我自己睇戲都易喊，所以我嗰日一開工就先將自己擺落情緒低落嘅位，然後匿埋上網摷啲唔係咁開心嘅片段睇，之後再去投入番場戲就易Handle啲。」
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
《社群狂歡大激賞》！送hellolulu最新系列袋款🎁！
