荃灣素食車仔麵結業！荃灣人氣素食小店素悅軒，其素食車仔麵向來深受食客愛戴，憑著獨特的純素湯底、無肉餐單等，吸引不少忠實顧客，同時亦堅持免費派飯予長者大做善事，是數一數二的良心素食店，無奈日前宣布將於本月底結業，不少街坊獲悉消息後大感不捨。
荃灣素悅軒日前透過社交平台專頁宣布，小店因經營困難及租約問題，決定將營業至今年11月底，確實日子將再公佈，並指「大家有緣再見」，大批食客得悉消息後，紛紛留言表達不捨之情。
素悅軒位於荃灣兆和街，坐落在小巷弄內，老闆為80後的移星港人，不過自2015年中起由新加坡回流到香港，開始接手經營太太親戚的齋店，他更於接手起就開始派齋，由星期一至五早上都在店舖門口，大派逾百盒免費齋飯盒，堅持足足5至6年有多，疫情期間更加派口罩、防疫用品等予有需要人士，持續為社區略盡綿力。
小店最出名的莫過於車仔麵，主打馳名喇沙、沙嗲、麻辣、素肉骨茶等特色湯底，而且配料多款，提供純素及蛋奶素的選擇，例如素鴨、響鈴、紫菜等，被不少人熱捧為「全港第一素車仔麵」；除了麵食，小店亦有提供三餸飯，亦有惹味必食的炸薯片，節日更會推出限定素盆菜，同樣獲食客愛戴並大讚好食，今次宣告結業，令市民大嘆可惜。
同場加映：【香港周圍遊】最新影片
不少街坊難掩傷感之情，「好唔捨得你地，車仔麵好好食」、「好傷心呀，我接近隔日就來一次」、「感謝你們對素食和有需要的人的用心」、「好有人情味嘅小店」；亦有會專程跨區而至的食客指「嚟親荃灣必食」、「成日專登出荃灣就係去搵你哋食素車仔麵」，感到相當惋惜。不過，大部分食客都理解店舖經營不易，「我知道呢幾年你哋都撐得好辛苦，真係好多謝你哋嘅堅持」，冀有日可再重開再聚。
素悅軒 詳情
地址：荃灣兆和街25號海晴軒15號舖
電話：3486 4428
營業時間：12:00 - 20:00（星期二休息）
結業日期：2023年11月底（日子待公布）
資料及圖片來源：FB@素悅軒
荃灣素食車仔麵「素悅軒」預計於本月底結業，日期...詳情瀏覽內文。
荃灣素悅軒地址位於荃灣兆和街...詳情瀏覽內文。
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
