8旬老翁搭上泰籍女子離家出走兼被轉走100萬 與印傭三人行同居 兩個女子有乜嘢企圖？
好多家庭都有聘請外籍傭工，時有發生不愉快事，由相處出磨擦以至懷疑傭工偷竊都有，但今次電視節目《東張西望》就報導咗一個個案，一個80多歲老翁竟然搭上一個來歷不明嘅妙齡泰妹，更畀仔女發現帳戶唔見咗100萬，最後更「離家出走」，跟泰籍女子及服務原家庭嘅印傭三人行同居！後來老翁竟然要同仔女們打官司，情節離奇過電視劇！
===========
同場加映：
【家居達人】達人教路！4款易整健康狗零食 啖啖肉棒棒、雞飯版Tiramisu、零技巧生日蛋糕
============
事主李生嘅父親80多歲，有柏金遜症，母親亦已70多歲，故喺2021年請咗一位印傭照顧父母。點知某日，李老爺突然打電話畀兒子，話已經跟一個大家都唔識兼未見過嘅泰國女人離家出走，而家係喺另一個單位居住。李生嘅父母已結婚50多年，一直都好恩愛，李老太知道呢個消息後，相當激動，李生及妻子都要安撫李老太嘅情緒。而李氏夫婦極懷疑呢位來歷不明嘅泰妹接近李老爺，係另有目的，於是單刀直入問李老爺同呢位泰國女子係乜嘢關係，李老爺就話係自己請呢位泰國女子嚟照顧佢，李氏夫婦惟有無奈接受，以月薪$15,000及助理身份聘請泰妹，同原有印傭同居於一個五百多呎單位照顧李老爺。
某日，80多歲嘅李老爺突然打電話畀兒子，話已經跟一個大家都唔識兼未見過嘅泰國女人離家出走。
本來一屋三口相處無事，點知有一日，印傭向李生哭訴，話李老爺唔畀印傭夾餸畀佢，連沖涼都唔使印傭幫手，李氏夫婦就覺得好奇怪，就去同李老爺詳談，誰知李老爺竟然話如果咁樣做，會令泰籍女子呷醋！後來某日，李老爺更主動致電李生，話已經當咗泰妹係佢老婆，令李氏夫婦相當震驚！後來更發現李老爺帳戶唔見咗100萬，推測係該名泰籍女子攞咗呢筆錢，一問之下，泰籍女人亦承認攞咗啲錢，李氏夫婦相當激動及憤怒，當日就辭退該泰國女子，但李老爺就極力反對，甚至話會跟埋泰國女子離開。李氏夫婦同李老爺商談良久，但最後李老爺都係決定離開，李氏夫婦就擔心父親剩餘嘅資產，都會好快被清空。
李氏夫婦發現李老爺帳戶唔見咗100萬，推測係該名泰籍女子攞咗呢筆錢，一問之下，泰籍女人亦直認不諱。
印傭突然失踪 以做證人為由延期居留
而由於李老爺搬走咗，剩下李氏夫婦，所以打算跟印傭終止合約，但諗到印傭話要供女兒讀國際學校，所以就打消念頭。誰知有一日忽然收到印傭留言，突然要辭職，而且完全失去聯絡，於是李氏夫婦就聯絡中介，中介指如果印傭失踪，就要聯絡入境處，如果失踪達3日，就可以當曠工處理，終止合約。李氏夫婦通知入境處後，以為已經跟印傭斷絕關係，誰知今年5月忽然收到勞資審裁處傳票，印傭要告佢哋無理解僱，仲要求要李氏夫婦賠償七萬多元，結果要告上法庭，而印傭亦大話連篇，理由係李氏夫婦唔畀飯佢食！又話好多衫洗好辛苦，但事實係個印傭根本一直學唔識用個洗衣機，指控書近200頁。法官建議庭外和解，畀機票錢及薪金就結束整件事。
印傭突然失踪，李氏夫婦通知入境處後，以為已經跟印傭斷絕關係，誰知今年5月忽然收到勞資審裁處傳票，印傭要告佢哋無理解僱，仲要求要李氏夫婦賠償七萬多元，結果要告上法庭。
經過與印傭嘅糾紛後，李先生與太太有所警覺，其實喺今年年初，李老爺對佢之前做嘅事反悔，同埋又控告全家人，李氏夫婦喺勞資審裁處傳票上，發現印傭嘅申報地址，正係李老爺搬出去嘅新地址，於是李氏夫婦就聯想到印傭其實係幫手做證人。印傭其實仲持有李氏夫婦嘅電話及住戶證，認為印傭應該歸還，但又收到對方律師信，話唔會歸還，並叫李氏夫婦唔好再騷擾印傭，因為佢印傭係重要證人。
節目組上門搵李老爺不獲，問保安員先知原來已搬走約2個月，但就搞錯咗以為泰國女子係李老爺女兒，亦經常見到佢哋連同印傭三人行，氣氛相當融洽，亦試過用不同方法聯絡李老爺，亦不成功。
點解印傭可以成為李老爺及李氏夫婦官司中嘅證人呢？陸偉雄大律師就表示，如果某一方要求某人做證人，而法庭又批准嘅話，咁呢個人就可以成為該方嘅證人。至於印傭以做證人身份，可以延期居留幾耐？陸偉雄大律師就表示由於唔知案件審期係幾時，會唔會延期，證人就要作出配合，審期隨時會延期達一至兩年，但雖然印傭可以獲延期居留，但不表示可以在港工作。若果搬咗屋，有機會會令法庭文件未能派遞到手上，如果該單訴訟仍然進行中，入境處就會傾向畀證人延期居留。李氏夫婦覺得印傭利用做證人呢個理由，不斷延期居留，感到非常憤怒；面對李父告全家嘅官司，李先生感到好無奈，而李老太更因李父嘅行為而有抑鬱，情緒不時有大波動，更一度想尋死，李先生指從未見過爸爸這一面。究竟而家泰籍女子及印傭跟李老爺同住，有乜嘢企圖？李生表示極度擔心。
陸偉雄大律師表示由於案件審期隨時會延期達一至兩年，入境處就會傾向畀證人延期居留，雖然印傭可以獲延期居留，但不表示可以在港工作。
究竟而家泰國女子及印傭跟李老爺同住，有乜嘢企圖？李氏夫婦表示極度擔心。
text/Joyce
photo/電視節目截圖
港生活人氣本地熱話
【請您去旅行✈️🌎】
↓登記領取HK$1,500 旅遊資助金💰！↓
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
