好多公屋居民都試過設訴，自己所住樓宇嘅大堂及走廊等公共空間堆積垃圾，或者受鄰居噪音騷擾等，但結果可能並無改善，而公屋一向有扣分制，但5年間只有一個單位被終止租約，令大家質疑究竟呢個制度係咪明存實亡？！ 房屋局局長何永賢日前回覆立法會質詢時透露，房委會考慮將租置屋邨扣分制「加辣」，究竟打算幾時執行？
============
同場加映：
【家居達人】抽濕機、風扇、電暖爐 壞咗唔好掉！ 義工師傅幫手維修 收費自由定價
============
房屋局局長何永賢在立法會回覆議員提問時，表示過去5年租置屋邨公屋租戶被扣分嘅個案，主要包括喺單位內飼養動物、單位內積存大量垃圾造成衞生滋擾、唔畀房委會職員或授權人士進入單位進行維修檢查及施工等。而其中有一宗個案，涉及因租戶喺單位內積存大量垃圾，被扣七分三次，而被終止租約及收回單位。何永賢表示，現時全港39條租置屋邨中，有13%單位為租戶，可受屋邨管理扣分制規管，過去五年，共有47宗個案被扣分。
過去五年，租置屋邨公屋租戶共有47宗個案被扣分，其中只有一宗個案，涉及因租戶喺單位內積存大量垃圾，被扣七分三次，而被終止租約及收回單位。
過去5年，房委會接獲喺租置公共屋邨公眾地方，有關衞生及噪音嘅投訴及查詢，大概有800宗，惟相關事項並未有納入扣分制。房屋署已向法團及物管公司反映相關投訴，並請佢哋跟進處理，如法團或物管公司指有租戶於公眾地方干犯不當行為，房屋署會約見租戶要求糾正，租戶唔合作嘅話，會被發給警告信，嚴重者甚或會被終止租約。
過去5年，房委會接獲喺租置公共屋邨公眾地方，有關衞生及噪音嘅投訴及查詢，大概有800宗。
房委會資助房屋小組委員會於今年5月通過實施「屋邨管理扣分制」加強措施，但適用於租置屋邨內租住公屋單位不當行為嘅扣分項目，仍維持14項，以及依然唔適用於該等屋邨嘅公眾地方，如大堂、後樓梯及走廊等。
喺立法會會議上，大量議員批評租置屋邨扣分制執行並不理想，追問政府會否加強執行工作。何永賢解釋指租置計劃屋邨超過八成單位，已出售成為私人物業，管理與私人屋苑一樣，如果有住戶喺租置屋邨嘅公眾地方製造衞生及噪音問題，不論係業主或租戶，法團都可以根據大廈公契條文作出行動。對於議員建議將租戶於租置屋邨公眾地方干犯不當行為，都要納入扣分制一事，何永賢表示房委會會積極考慮將租置屋邨公眾地方不當行為納入扣分制，目標在2024年第二季房委會資助房屋小組提出具體建議。
房屋局局長何永賢表示房委會會積極考慮將租置屋邨公眾地方不當行為納入扣分制，目標在2024年第二季房委會資助房屋小組提出具體建議。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
