AK江𤒹生幫手好兄弟富士山求婚大作戰 Tank求婚成功娶方方！成《全民造星》首對夫妻
MIRROR成員AK（江𤒹生）與同樣為《造星》出身的舞蹈員Tank（梁德忠）一向是好兄弟，早前二人與一眾好友去到日本富士山旅行，原來此趟旅程是好兄弟Tank的求婚之行。Tank向拍拖多年的女友方方（方芷欣）求婚成功，成了《全民造星》首對夫妻，恭喜！
不過，一張求婚大合照就成了網民引戰的觸發點，有網民在AK粉絲「生粉」的TG群組裡留言「會唔會個個都一對，老闆仍然單身」，有人即回應「佢點會係單身吖，嗰個人咪同行一齊喺相入面」，矛頭直指曾與AK傳緋聞的前商台DJ麻利，此舉疑觸動了AK的神經，忍不住罕有爆seed開火。
AK接連發言直接回應：「同行就叫拍拖咩 tank求婚 佢想佢身邊愛嘅人出席有咩問題？我同邊個做朋友亦有我自由，我做藝人唔代表你地可以干預我嘅交友圈子。唔好自己覺得咩加個故事就當係」、「由頭到尾都係你地自己幻想，然後仲要攻擊我朋友，我已經唔出聲。Yes 我地係以family 相稱，代表我地感情好好有咩問題？」
之後，AK再度留言：「我忍咗好耐，一直唔出聲，唔該大家唔好咁無聊，男女之間一定只係得愛情咩？你地要點諗我無所謂，因為點講都有人會唔明，但我只係過自己想過嘅生活，同我嘅朋友一齊經歷每一個人生重要嘅 moment。」一眾生粉紛紛留言安慰AK。
AK在IG社交平台上為好兄弟Tank送上祝福，寫道：「富士山求婚大作戰 大成功 喊死我 恭喜阿哥阿嫂 要幸福 Family forever❤ 粒暗瘡同富士山一樣蠢蠢欲爆」，片中見到AK感動流涕，為兄弟真情流露。
準新郎Tank就在IG公布求婚成功的喜訊，寫道：「我得咗啦 感謝my family ❤感謝神 ❤感謝未婚妻 ❤ @fongfongfong_我哋又創造咗永遠會記住嘅共同美好回憶 我愛你地」。
值得一提的是，Tank曾先後參加《全民造星》及《全民造星II》，而與方方亦曾先後參加《全民造星III》及《全民造星IV》，二人同是「玩足兩季」，亦是《全民造星》首對夫妻。
同場加映：【著數慳家王】最新影片
港生活人氣本地熱話
↓【限時搶⚡】送您JA-RICE日本石川輝煌越光米↓
↓米粒透白具光澤、米香突出，黏度適中↓
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
