近日有打工仔分享，自己購買了總值$20,000的超市禮券，並打算派發予有需要的長者，透露未來將走訪各區公共屋邨，籲街坊見到切勿誤會是「呃人」。不過網民反應兩極，部分人懷疑此背後存在目的，認為做善舉無需大肆宣揚，都有人撐事主相當好心。
有男網民最近透過Facebook群組「公屋討論區」發帖，表示自費購買了$20,000超市禮券，「黎緊將會走訪各區嘅公共屋邨，派畀有需要嘅老人家」，又向眾人表示，「如果你有機會見到，唔洗擔心係呃人，唔好報警」，隨即引來大批網民留言。
如此好人好事，反惹來部分網民負評，質問「請問你（樓主）有冇什麼政黨背景」，認為「做善事係唔會事先張揚，咁做多數有背後目的」、「真心做善事是不用周圍同人講」，又指不如「幫下後生好過啦」。面對質疑，樓主僅回覆指「多謝提醒」、「多謝寶貴意見」等，又稱自己「只係透過自己嘅人工，節省自己嘅日常開支慳返嚟，略盡錦力」，強調沒有辦法滿足所有人。
不過，都有網民認為樓主只是一片善心，斥「人地好心拎自己錢做善事，係到呢樣唔好過樣唔好」、「呢啲時勢已經好少呢啲人」，著樓主無需理會眾人說法，並提出實際建議，例如可前往個別餐廳派飯點、義工送飯點派發禮券，從而幫助到有需要的人士。
資料及圖片來源：FB@公屋討論區 - 香港facebook群組、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
