廚房鋅盆堵塞又有異味 一個清潔方法立刻搞掂！

============
同場加映：
【家居達人】抽濕機、風扇、電暖爐 壞咗唔好掉！ 義工師傅幫手維修 收費自由定價

============

廚房水槽用得耐，難免會出現堵塞、排水不順，就算喺排水口放咗濾格都未必好有用，最嚴重嘅情況，甚至洗碗時會幾乎淹水，亦可能會傳嚟水溝異味，而家唔少家庭都用咗開放式廚房間隔，的確會唔好受！雖然話有現成廚房清潔用品，但其實想避免呢個情況，有網民建議其實日常定期清潔廚房時，用熱水再加少量洗碗精、小梳打粉及白醋，一起沖落去；亦有網民試過將水槽裝滿熱水，再加過碳酸鈉，待後者溶解後就等水沿水管流走，臭味就會立刻消失，亦可以用過碳酸鈉開水洗抽油煙機，效果好好。

有網民建議日常定期清潔廚房時，將水槽裝滿熱水，再加過碳酸鈉，待後者溶解後就等水沿水管流走，臭味就會立刻消失。

點解廚房鋅盆排水口會發臭？
主要因為廚房鋅盆排水口集合咗細菌繁殖嘅3大條件：濕氣、溫度及來食物殘渣嘅養分，容易令帶有異味嘅細菌過度繁殖，結果就會令排水口散發出惹人討厭嘅臭味。所以日常使用鋅盤時，也要避免將食剩嘅飯菜及汁液、油脂或咖啡渣等沖入水槽，如果有飯粒或麵條留咗喺排水口及水管內，它們遇水後會逐漸膨脹，日月累積下就會堵塞水管，兼發出異味，故最好亦要喺排水口裝上濾網隔開飯、麵，並定期利用通渠水或上述嘅民間智慧清潔法，疏通水管，就可以避免傳出異味及堵塞。

廚房鋅盆排水口集合咗細菌繁殖嘅3大條件，所以日常使用鋅盤時，也要避免將食剩嘅飯菜及汁液、油脂或咖啡渣等沖入水槽。

使用廚房鋅盆時，最好要喺排水口裝上濾網隔開飯、麵及其他剩餘食物，並定期利用通渠水及過碳酸鈉等，疏通水管，就可以避免傳出異味及堵塞。

text/Joyce
photo/U Magazine 圖片庫、網上圖片