自從疫情之後，好多人都習慣喺屋企煮食，如果煮多咗飯，當然係放入雪櫃保存，但原來點樣將剩飯放入雪櫃，同放喺雪櫃內邊個位置，原來都有學問，而就算將煮好嘅飯存放喺保溫電飯煲入面，其實都有個限期㗎！睇吓日本方面嘅專家點教路啦！
============
同場加映：
【家居達人】網購包裝環保回收7大Q&A 水果網家居/露營重用妙法
============
日本全國農業協同組合聯合會指出，雪櫃嘅冷藏室溫度，介乎於2至5度之間，會令米飯中嘅澱粉老化、水分流失，再翻熱進食嘅時候，好多時就會覺得乾巴巴，若要鎖住米飯嘅水分，可放進溫度為0度至零下18度嘅冷凍庫，而且最好將溫熱嘅米飯，用保鮮紙包起嚟，放到金屬托盤加速冷卻，再放入冷凍庫，就可令米飯維持濕潤嘅狀態，翌日再食時，用500瓦嘅微波爐加熱3分鐘，就可以食到好像啱啱煮好嘅鬆軟米飯。
日本全國農業協同組合聯合會指，最好將溫熱嘅米飯，用保鮮紙包起嚟，放到金屬托盤加速冷卻，再放入冷凍庫，就可以鎖住米飯嘅水分。
白飯放保溫電飯煲 最多都係放5至6小時
雖然而家嘅電飯煲都有長時間保溫功能，由日本米批發商組成嘅組織「全米販」，就建議大家最好只可以將煮好嘅飯，存放喺保溫飯煲約5至6 小時，超過咗呢個時間，飯入面嘅水份就會減少，令飯開始變黃變乾，影響味道，令口感變差。另一方面，枯草桿菌( Bacillus subtilis )會存在於澱粉質食物入面，如果米飯長時間處於保溫狀態，呢種菌小則會令米飯變味，大則可能令人嘔吐，而如果保溫溫度喺60度以下，更隨時有其他細菌滋生，所以請睇清楚保溫飯煲使用說明書內嘅使用守則。仲有一點要溫提大家：長時間開住保溫功能，其實都幾耗電，而通常將飯保溫半日至一日所用嘅電量，同煮一次飯差不多，想慳電費嘅朋友要記住呀！
日本米批發商就建議大家最好只可以將煮好嘅飯，存放喺保溫飯煲約5至6 小時，時間太長嘅話，飯會太乾兼口感變差。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
