行政長官最新一份《施政報告》提出咗多項有關土地及房屋措施，當然有輪候公屋嘅市民，最關心新公屋單位嘅供應數量及速度，但除咗發展新土地，大家有無諗過如果重建高齡公共屋邨，都係一個可以提供更多公屋單位嘅好辦法呢？究竟香港有邊啲屋邨嘅樓齡已逹50年或以上呢？經民聯剛剛就發表咗推動大規模老舊公屋重建嘅研究報告，究竟重建完舊屋邨，可以增加幾多單位呢？
============
同場加映：
【家居達人】網購包裝環保回收7大Q&A 水果網家居/露營重用妙法
{{hket:ul-video id="9609”}}{{/hket:ul-video}}
============
就住《施政報告》嘅多項土地及房屋措施，經民聯就作出回應，並公布咗一份關於推動大規模老舊公屋重建嘅研究報告，指出若政府大規模分階段重建全港24個老舊公屋屋邨，估計可釋放出188公頃土地，並可以提供14.2萬個單位，較原有10.25萬個舊單位多出近4萬個單位。
報告指出喺2022年，約有25.3萬個房委會公屋單位樓齡為36年或以上，佔公屋單位總數約31%；其中約2.9萬個單位，樓齡更達50年或以上，佔總數約3.7%。而呢類高齡公屋本身會引起或已存在唔少問題，包括日久失修導致維修保養費用大升、配套設施不足及不利長者居住、公共空間衞生情況惡劣，以及難以吸引商業機構進駐等等。
故經民聯提出政府應大規模將高齡公共屋邨重建，並設立指標指應爭取喺10年內，啟動重建12條屋邨。
好多舊式公屋層數不多，經民聯嘅公屋重建嘅研究報告指出，指出若政府大規模分階段重建全港24個老舊公屋屋邨，可以較原有嘅10.25萬個舊單位多出近4萬個單位。
高齡公屋本身已存在唔少問題，例如公共空間衞生情況惡劣、日久失修導致維修保養費用大升等。
根據前運輸及房屋局嘅資料，截至2022年5月，房委會轄下有9個屋邨樓齡達50年以上，按屋邨內最早落成樓宇嘅樓齡，由高至低排列，分別係模範邨、西環邨、彩虹邨、馬頭圍邨、和樂邨、福來邨、華富（一）邨、華富（二）邨及坪石邨，共涉及2.9萬單個單位。而當中華富一邨及二邨嘅重建工程已經展開，最早一批單位預計於2027/28年度入伙；而2021年《施政報告》提出嘅西環邨及馬頭圍邨重建計劃，已進入細節研究階段，加上最近傳出將會於年底公布重建計劃嘅彩虹邨，即已有約5個50年樓齡嘅老屋邨，現正進行或已有計劃重建，但餘下嘅模範邨、和樂邨、福來邨及坪石邨，就尚未有重建消息。
經民聯同時要爭取原區安置，集中動用同區單位安置受影響居民；同時善用「組裝合成」建築法等高端技術，加快建屋進度；又建議善用「簡約公屋」作為接收屋邨等。經民聯又指，除舊屋邨重建外，要解決房屋問題，政府亦應撤銷「辣招」以促進樓市復常，並考慮暫緩徵收「辣稅」。
北角模範邨最早入伙嘅樓宇，原來已經有71年樓齡，但暫未有重建計劃。
最近傳出將會於年底公布重建計劃嘅彩虹邨，樓齡已達約60年，昔日由於喺機場航道上，故樓宇高度受限制，重建後單位數目應可大增。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
