新聞女王|片尾曲《Crystal Clear》炎明熹Gigi首支英語單曲 入行2年首度挑戰英語劇歌

文: 羅志宏
2023.11.17

新聞女王片尾曲|新聞女王主題曲炎明熹|TVB今年壓軸台慶劇《新聞女王》於星期一晚(20日)隆重首播,一眾主演連日來進行密集式宣傳,而劇集歌亦終於正式公開,片尾曲《Crystal Clear》由「聲夢小天后」炎明熹(Gigi)主唱,是其入行2年多首度挑戰全英語的劇集歌。

台慶劇《新聞女王》由「最強視后」佘詩曼強勢回歸領軍,與其餘主角演員馬國明、李施嬅、高海寧、王敏奕、何依婷上演新聞部的派系鬥爭,被譽為是近年最陣容鼎盛的台慶劇之一。至於劇集歌曲方面同樣令人期待,由炎明熹(Gigi)主唱片尾曲《Crystal Clear》日前率先公開,是一首英語劇集歌。

《新聞女王》的片尾曲《Crystal Clear》由現時炙手可熱的炎明熹(Gigi)主唱。由於《Crystal Clear》是英文歌,亦是Gigi首度推出的個人英文單曲,播出後旋即引發熱議;Gigi除獲讚Accent及咬字俱佳,其恍如耳語般的輕唱功亦別具穿透力,令樂迷聽出耳油,配以精選各大主角的神情特寫及棋盤過場等畫面,令整首MV更有味道。《Crystal Clear》歌詞內容主要講述主角人在高處不勝寒,對身邊人甚至自己亦不甚了解;但只要肯用心聆聽心底的聲音,最終還是能認清自己以及真相。

Gigi受訪時坦言對新歌反應感到期待,皆因是其首支英文單曲之餘,亦是首度為台慶劇獻唱歌曲:「希望我聽到首歌時唔會覺得太尷尬啦。」向來是「努力派」的Gigi,為了片尾曲更是做足功課:「因為我本身英文唔係咁常用,所以我有逐個字去查字典,同埋寫低晒啲意思,等自己可以了解啲歌詞好啲。發音方面,我事前都有練習,逐個字去練習點讀,練到覺得有效果先成句讀出嚟。」

談到錄音,Gigi笑指過程尚算順利,只是其間因肚餓以致「唔夠氣」:「我平時一係食完嘢抖一陣就錄音,一係就錄完音先食。嗰日我諗住錄完音先食嘢,但去到一半需要錄到powerful嘅部份時,我就真係冇辦法喇,不如食啲嘢先,結果我食咗肉餅飯,食完之後真係有番啲力氣,否則係餓到郁唔到。」

▼▼即睇更多劇集絕密片段▼▼

新聞女王|片尾曲《Crystal Clear》MV連結

 

同場加映:【著數慳家王】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!