呢幾日氣溫急降，天文台總部就喺清晨錄得15.6度，係今年入秋以來最低氣溫，而流浮山更錄得只有13.1度！夜晚瞓覺時，當然要攞返被出嚟保暖啦！但收埋咗大半年嘅被子一攞出嚟，有機會會有霉味或異味，令人相當困擾，唔通真係要先攞張被上天台曬太陽？有專家分享，原來根據唔同材質嘅被出現異味，就要採取唔用嘅處理方式㗎！
============
同場加映：
【家居達人】網購包裝環保回收7大Q&A 水果網家居/露營重用妙法
============
一般棉被：折疊棉被塞乾燥劑及香皂
一般棉被嘅填充物以棉花為主，因此喺折疊棉被時，可以先喺裏面塞進幾袋乾燥劑，然後再放一塊香皂，咁樣做，過咗幾天後，異味就可以完全消除。但要注意：香皂同乾燥劑要分層放，基本上3至4塊香皂就足夠，香皂也可以重複利用。
羊毛毯：噴少許酒精或用軟毛刷梳幾次
羊毛毯通常比較唔會有異味，如果要清潔嘅話，建議用乾洗，盡量唔好水洗。如果真係因為收埋太耐或者太潮濕而出現怪味嘅話，可以噴少許酒精喺羊毛上，或是將少量嘅米撒喺羊毛上，輕輕拍打，或者用軟毛刷，順著梳幾次，就可以除臭。
纖維被：可用中性嘅洗潔劑或肥皂粉水洗
一般嚟講纖維被唔需要特別保養，如果要清潔嘅話，用中性嘅洗潔劑或肥皂粉水洗，或者用洗衣機弱轉清洗後脫水即可。
羽絨被：噴檸檬水再放通風處一晚
如果羽絨被出現異味的話又沒有太陽可以曬被子，可以將檸檬水裝進噴瓶，均勻噴灑在被子上，然後掛在通風處曬上一晚，就可以簡單去除異味了。
蠶絲被：愈曬愈唔保暖，仲會變薄咗！
若果係蠶絲被出現異味，最好嘅方法就真係要放喺通風處去味！但原來曬蠶絲被唔能夠曬太耐，因為蠶絲喺紫外線長期照射下，係會變脆，所以如果好似以前啲老人家咁，日日曬蠶絲被，過咗約一年，就會發現蠶絲被愈來愈唔保暖，而且仲會變薄咗。
text/joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
