經過3年疫情重創經濟，香港各行各業今年開始重回正軌，勞聯喺今年8月展開每年一度嘅薪酬趨勢及期望調查，以問卷訪問超過1,000名來自不同行業嘅僱員，而當中近一成被訪者指今年被減薪，約三成人指被凍薪，咁究竟又有幾多人被凍薪？幾多打工仔有人工加呢？而勞聯又建議明年加薪率應該係幾多呢？
============
同場加映：
【家居達人】網購包裝環保回收7大Q&A 水果網家居/露營重用妙法
============
勞聯於8月展開「2023-24薪酬趨勢及期望調查」，合共收回1,004份有效問卷，結果當中有63%受訪者表示於今年度獲得加薪，但仍有9%受訪者稱今年度被減薪，28%受訪者則被凍薪，顯示受訪者普遍均受到經濟改善而獲得加薪，而凍薪及減薪情況，均較去年大幅下降。
但未來香港打工仔，卻會面對多重考驗，因為調查同時發現，約 58%受訪者所屬公司，正進行不同規模招聘，雖然反映唔少行業人力需求殷切，但隨著輸入勞工嘅情況，首輪外勞將於未來數月抵港工作，本地僱員就業情況將備受考驗。另一方面，甲類消費物價指數一直維持喺高水平，雖然整體樓價有下跌趨勢，但住宅租金喺第三季內再升3%，反映住屋壓力仍高，而其他坊間調查卻顯示本港薪酬增長率，低於亞太地區，包括大灣區嘅平均水平。
首輪輸入外地勞工將於未來數月抵港工作，本地僱員就業情況將備受考驗。
雖然整體樓價有下跌趨勢，但住宅租金喺第三季內再升 3%，反映打工仔住屋壓力仍高。
勞聯稱受訪者對下年度薪酬調整水平期望加大，4成受訪者期望明年加薪4至6%，整體期望加薪平均值為6.75%，而經過分析經濟數據、僱員基本生活情況及調查結果，勞聯建議2023至2024年度，僱員加薪幅度不少於6%，勞聯指合理嘅薪酬待遇，先能夠提高僱員就業意欲及向上流動機會，並為企業挽留人才，促進社會和就業質素提升。
勞聯稱受訪者2023至2024年度期望加薪平均值為6.75%，勞聯則建議僱員加薪幅度不少於6%。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
