社交媒體已成為唔少人生活中嘅重要部分，喺公共交通工具及食肆，都可以見到唔少港人都是低頭一族，時常手機不離手，但閣下有無諗過，自己會唔會已經「社交媒體成癮」呢？樹仁大學新聞與傳播學系就發表咗一個有關於「社交媒體成癮」嘅研究報告，究竟邊個年齡層及學歷背景嘅人，較容易「社交媒體成癮」呢？患上「網絡成癮症」（Internet Addiction）嘅人，又有乜嘢特微呢？
============
同場加映：
【家居達人】網購包裝環保回收7大Q&A 水果網家居/露營重用妙法
============
樹仁大學新聞與傳播學系嘅研究團隊，分別喺2021年5月及2022年6月進行兩輪追蹤調查，對象為447名17歲或以上香港居民，了解佢哋嘅社交媒體成癮情況，即過量或不受控制地使用社交媒體嘅情况。其中約27.3%受訪者表示，使用社交媒體嘅時間達「經常」或「十分經常」嘅程度，比原先更多，23%認為長時間使用社交媒體，對學業或工作產生負面影響嘅頻繁程度，已達中度或以上水平，12.3%表示「經常」或「十分經常」有衝動想不斷使用。
研究顯示，學歷背景為「專上學位或以上」嘅受訪者，較「中三或以下」、「中四至中七／專上非學位」者，更易出現社交媒體成癮！而後兩個組別嘅成癮風險，則無顯著差別。另一方面，若以年齡組別分析，「17至29歲」及「30至44歲」組別，亦較「45至54歲」更易沉迷社交媒體，而前兩者嘅成癮風險，則無顯著差別。
研究顯示「專上學位或以上」嘅受訪者，較「中三或以下」、「中四至中七／專上非學位」者，更易出現社交媒體成癮！
研究團隊亦發現，「對未來不確定的壓力」例如社會變化、個人前景或工作感到壓力，就會令人渴望通過社交媒體調節心情，久而久之就有機會成癮，而有部分被訪者則期望通過社交媒體，減少不安或忘卻現實問題，但最後反而會引起更多心理壓力。團隊指過度使用社交媒體，有機會令人變得更煩躁，帶嚟更大心理壓力，建議市民面對困境時，要避免沉溺於社交媒體，若發現出現社交媒體成癮現象，影響學業及工作表現，應尋求專業人士協助。
研究團隊指過度使用社交媒體，有機會令人變得更煩躁，帶嚟更大心理壓力。
「網絡成癮症」有乜嘢「病徵」？
假如以下情況，閣下有五個或以上，就有可能患上「網絡成癮症」（Internet Addiction）：
1.經常專注上網，即使下線後仍想着上網嘅情形
2.需要不斷增加上網時間，先至能獲得滿足
3.無辦法減少或停止上網，即使嘗試過亦失敗
4.試過減少或停止上網，但事後變得易發脾氣兼沮喪
5.上網時間比預期時間長，打亂咗日常時間管理
6.發現上網已經出現影響學業、工作、生活或人際關係嘅情況
7.隱瞞自己鍾情上網，向家人、朋友說謊
8.不停上網逃避面對現實及釋放情緒
假如閣下需要不斷增加上網時間，先至能獲得滿足，就有可能係網絡成癮。
通常沉迷上網嘅定義，係是指每星期上網40小時以上，若果無法成功上網，就會出現心癮難耐。如果網絡成癮嘅「症狀」，持續兩星期或以上，就應考慮尋求專業心理輔導協助。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
