新聞女王｜陳曉華現身僅兩集獲讚演技大躍進 一度眼泛淚光兩度下跪三度死𦧲搶焦
新聞女王陳曉華｜TVB台慶劇《新聞女王》昨晚（21日）第二集劇情繼續緊湊，延續首集開出的大型巴士翻側意外，經過Man姐（佘詩曼飾）精心佈局，文家軍在「自卑機心女」芷瑤（陳曉華飾）助攻下打敗梁景仁（馬國明飾）為首的佐治黨...現身僅兩集的陳曉華獲讚演技大躍進，尤其一度眼泛淚光、兩度下跪、三度死𦧲，非常搶焦。
昨晚（21日）劇情講到陳曉華（Hera）飾演的角色「唐芷瑤」慘淪辦公室鬥爭犧牲品，天資不足的芷瑤，為了存活三度死𦧲兼兩度下跪，分別是跪求盧博士（鄭啟泰飾）受訪、跪求Man姐不要解僱自己，及扮醉死𦧲佐治再次給予機會，其間數度眼泛淚光。
其中跪求Man姐場口相當戲劇性，原以為立了大功的芷瑤、於Office大派「勝利蛋糕」之際竟收到Man姐的大信封，被用完即棄的芷瑤不但未有爭辯、更連尊嚴也不要跪地懇求Man姐：「我做錯咩呀？我同你道歉吖！」芷瑤之後再找佐治幫忙，並暗示可出賣美色：「我都可以冇底線，我都可以走光」；可惜遭佐治篤爆她扮醉之餘，更以「香水論」奚落芷瑤謂：「女人嘅人緣你冇，女人嘅直覺你都冇」、「狗咬人你都想像唔到，人咬狗嘅世界唔啱你。」
雖然陳曉華只客串了兩集，但卻連續兩日引發熱討，不少網民大讚她演技有進步之餘，並對她角色的人設又愛又恨，更對她的遭遇大感興趣：「這種扮傻扮委屈的比擺明笑裡藏刀的奸角更可怕」、「為咗上位，真係搏到又搶又跪」、「搏上位搏到失咗理智踩過界」、「毫無尊嚴」、「角色自卑心太強，但佢做得好有feel」，更有網民覺得陳曉華的角色冇可能咁簡單：「可能有意外驚喜，到大結局以終極大boss（身份）出來對付阿佘和馬明」。
陳曉華受訪時則直指十分心痛芷瑤：「當一個人好努力時，真係會犧牲好多嘢。我都覺得自己必須要好努力、唔努力就會連機會都見唔到；所以我會好努力，亦明白芷瑤嘅努力。我同芷瑤唔一樣嘅係，我有底線同埋我唔噴香水。」
陳曉華又坦言與阿佘及李施嬅合作獲益良多：「佢哋係好好嘅榜樣，佢哋認真工作嘅氣場，令我拍攝時都更加集中。佢哋主動、積極，又完全唔怕辛苦，之前同施嬅拍咗三日戲，三日陽光都好猛烈，但佢曬足三日都依然狀態好好。而阿佘同我分享過嘅嘢，到依家我拍嘢時都會經常用嚟提醒自己。」
同場加映：【香港周圍遊】最新影片
港生活人氣娛樂新聞
↓【限時搶⚡】Dermeze得美滋無皂清潔沐浴乳↓
↓修復、補濕滋潤、鎖水保水｜遠離乾燥和粗糙↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
