沙田商場疑被偷拍？近日有男子於網上發文，苦訴在沙田大型商場一間店舖閒逛時，疑被一名陌生男子尾隨跟蹤，期間更舉機「偷拍」事主本人，直言當時「都唔知點好」，感嘆終於明白不少女士被偷拍會害怕的感受，不過事件就惹來網民們熱議。
最近有男網民透過社交平台群組發文，分享自己疑被一名男子跟蹤偷拍的經歷。
沙田商場閒逛疑被男子跟蹤 事主直斥「不停咁偷影」
他指出，上周於沙田大型商場一間店舖閒逛時，「見到佢（男子）跟住我尾，不停咁偷影」，開首沒有察覺到，惟「之後我轉次次身都見到佢係我後面先知，我轉身望佢扮試帽」，直言不知道還有多少人，在不知情下被偷拍，並附上3張該名男子的相片。
從相中所見，該短髮男子戴眼鏡、身穿一件深藍色的恤衫及長褲，再配上一對小白鞋，右手戴有一條手鏈，打扮頗斯文。其中2張相片可見到男子側面，分別是低頭查看一頂疑似黑色的帽子，以及四處張望的樣子，另外一張就為男子背影。
▼貼文相片▼
事主憶述當時「唔知點做好」 終於明白女士會好驚
他續指，「當時我都唔知點做好，我終於明白女士比人偷拍係會好驚同唔知點好」 ，但期望藉此事令大眾可重視類似事件，「可能大家都覺得好好笑因為係男影男，加上佢唔係影我裙底，所以我當時無乜可以做，但大家唔好因為今次特別事件而忽視或偷影嘅行為，傳達錯誤信息令到女士遇到偷拍唔敢出聲」，籲大家若見到偷拍情況一定要伸出援手。
貼文一出不少網民忍俊不禁，指「有時候緣份嘅嘢，真係話嚟就嚟」、「痴看」。不過，對於樓主都拍下對方樣貌，有網民就指「唔知佢有無偷拍你，但啲相證明左你在偷拍他」，事主回覆指自己是「明影」，亦歡迎相中人作出澄清。雖然不少人對事件半笑半鬧，但都有網民覺得「無論男定女，偷拍別人都係一件唔恰當，令人困擾嘅事」，認為不應取笑。
▼網民咁講▼
偷拍行為可能觸犯法例 最高刑罰監禁5年
偷拍行為可能觸犯香港法例《2021年刑事罪行（修訂）條例》（窺淫罪），最高刑罰監禁5年，例如分享影像涉及偷窺或偷拍，不論是第一身拍攝、發布或轉發，也可能會干犯罪行。另根據第200章 《刑事罪行條例》，任何人在公眾地方或建築物的共用部分遊蕩，不論單獨或結伴在該處出現，而導致他人合理地擔心本身的安全或利益，即屬觸犯遊蕩罪，一經定罪，可處監禁2年。
資料及圖片來源：FB@鳩鳩沙田 (Go Go Shatin)、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
