通靈之王2|東張女神陳懿德加盟做主持首集即「出事」 拍攝期間身體不適狂標冷汗險暈低

文: 羅志宏
2023.11.26

通靈之王2|香港電視史上首個以通靈比賽為主題的綜藝節目《通靈之王》,上年播出後贏盡好評,今年載譽歸來,全新一輯《通靈之王2》由梁思浩帶領王嘉慧(Cathy)、陳懿德(德德)擔任主持,邀得來自不同流派的20組參賽者進行比賽,將於11月27日起、逢周一至三晚10點半翡翠台播映。

《通靈之王2》首播兩集是海選賽,20組參賽者齊集電視城古裝街進行第一個任務,以異能估出現場大型黑幕後的東西。一班參賽者在黑幕前各有各「發功」,有人拿着法器作法、有人拿着塔羅牌預測。海選進行時發生小插曲,比賽開始時有參賽者已指現場有靈體,豈料新加盟節目的主持陳懿德拍攝期間突然身體不適,全身狂標冷汗兼頭暈暈,最終要停止拍攝休息,更弔詭的是,收音師指德德不適時收音咪亦出現異常,節目中會公開相關聲帶!

陳懿德受訪時重提事件時心有餘悸:「人生未試過咁樣唔舒服,嗰陣Feel到自己就嚟暈低,因為當日係第一日工作,唔想拖慢個進度,即刻捉住Cathy諗住頂埋落去,但之後真係頂唔順,眼前一片空白,同埋完全聽唔到人講嘢!」德德續指思浩當時仍未知她出事:「因為思浩個位置睇唔到我,係有個參賽者突然話你個主持唔得喇,佢先見到我,好彩工作人員趕得切嚟接住我,如果唔係已經仆咗落地,後來我坐低咗休息一陣都好番好多。」

講到加入《通靈之王2》及與思浩合作,陳懿德直言心情又驚又喜:「第一輯其實有Casting,但就無緣參與節目,今次終於有機會同思浩合作,好多人知道我同思浩合作,仲搞笑咁叫我同佢夾份買六合彩!我對靈異嘢都有啲驚,事前都有睇師傅同埋買水晶戴。」

陳懿德又很感激思浩教導:「佢係一個好肯教人嘅前輩,佢教我點樣做好主持呢個工作,佢對身邊每個人都好好,同埋對節目嘅要求好高,唔會造假!同埋第一次見到佢時,佢係咁強調自己好惡,但我從來未見過佢惡嘅一面!」

 

同場加映:【著數慳家王】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!