唔知大家有無發現今年收得特別多紅色炸彈呢？！事關今年乃「雙春兼閏月」的結婚好年，唔少情侶都趁此機會拉埋天窗共諧連理。新婚生活易（ESDlife）早前就香港婚嫁現象進行了結婚消費調查，特別針對人情及禮金作出分析，嚟緊要去飲嘅大家一定要睇睇參考吓！
同場加映：
【家居達人】保鮮紙妙用8招 去漬一流/防滑防倒必備
生活易於今年 9 月至 11 月進行了網上訪問，整合了 1,033 位已經或準備於今年至後年結婚之新人的數據，發現人情中位數由 2020 年至今並無增長。高級酒店及一般酒店分別維持在 $1,500 元及 $1,000 元；私人會所及特色婚宴場地為 $1,000 元；酒樓、午間婚宴、只出席酒會以及西餐廳亦維持於 $800 元水平。
若只出席註冊或教堂簽紙儀式，人情中位數為 $500元，只派餅卡則為 $300 元。兄弟姊妹團方面則主要隨心以及同新人的熟稔程度，不過既然做得兄弟姊姊通常都唔會太過計較，視乎自己財政狀況決定，正常會在公價上加多 $500 - $1000 元不等。
禮金方面，中位數卻由 2020 年的 $50,000 元起，連升 3 年至 $68,888 元，取其「順利」及「發」的好意頭。而新人平均結婚開支更上升 9% 至 $419,751 元，創歷史新高。其中消費最高的項目是「婚宴酒席」，平均花費躍升 15% 至 $170,886元，其次為「結婚首飾及戒指 」，平均消費升了 5% 至 $114,257元。
生活易媒體業務及市場部主管周卓盈表示︰結婚開支上升除了因為新人「豪爽」 ，還因為通脹成本高。她指很難回答哪一個影響較大，但整體而言各個消費，無論婚宴、珠寶、攝影或化妝等其他開支都有上升趨勢。至於全年結婚宗數約為 42,247 宗，生活易行政總裁馬宗傑表示這是因為今年適逢雙春兼閏月，加上疫情後囤積的需求令婚嫁市場蓬勃，結婚市場雖已逐步回復至疫情前水平，但預計明年結婚人數或會下降。
Text/Circle
Photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
