屋苑會所乒乓球枱斷開墮地 導致受傷要做手術 會所竟然拒絕賠償？事主可以點樣做？
近年好多屋苑都設有住客會所，提供大量運動及康樂設施，《東張西望》就有個案，事主女兒被住客會所斷開嘅乒乓球枱整傷腳要照X光兼做手術，但管理公司搵公證行介入，竟然話會所無責任要賠償！究竟事主可以點處理呢？
同場加映：
【家居達人】保鮮紙妙用8招 去漬一流/防滑防倒必備
事主楊太家住大角咀某屋苑，時常會同家人去住客會所打乒乓球，早前試過同10歲女女及80歲媽媽一齊去打波、期間因為婆婆要救波，整個人上半身趴咗上去張波枱，誰知過咗一兩秒，張波枱竟忽然間「啪」一聲從中間斷開，然後成張枱塌下！跟住女兒叫痛，原來波枱壓到佢嘅腳，一除襪成腳都係血！楊太即刻通知會所職員，職員有幫手用紗布包紮，收拾咗張波枱話之後會跟進。而楊太一家以為女女只係皮外傷，就返咗屋企。
乒乓球枱斷開墮地，女兒腳部受傷，職員有幫手用紗布包紮。
點知翌日女女嘅腳趾公仲流緊血，即刻去睇私家醫生，醫生話唔係普通皮外傷，最好去醫院照X光，X光顯示腳趾公骨頭有少許裂痕，最嚴重係腳趾甲位置，要立刻做小手術縫針及將腳指甲拔出。醫生話完全康復要5至6 個月。女女本身係乒乓球校隊，而家好影響到佢上心PE堂及打波，而婆婆亦一直好自責令外孫女受傷。由於婆婆體重唔夠100磅，楊太懷疑係張波枱本身有問題。事情發生於本年二月，當時會所職員話楊太只要將所有醫療單據交畀佢哋，會搵保險公司跟進處理，故將所有有關嘅醫療單據都交畀會所職員處理，總數約一萬多元。
點知翌日女女嘅腳趾公仲流緊血，去醫院照X光，X光顯示腳趾公骨頭有少許裂痕。
要立刻做小手術縫針及將腳指甲拔出，醫生話完全康復要5至6 個月，而婆婆亦一直好自責令外孫女受傷。
當時會所職員話楊太只要將所有醫療單據交畀佢哋，會搵保險公司跟進處理，總數約一萬多元。
公證行指會所並無責任要賠償
事隔一個月後，收到公證行嘅信話會調查；直到7月卻收到信，話會所拒絕賠償及承認責任，話睇過閉路電視，係因為有人趴上乒乓球枱而導致斷開，責任喺楊太身上，乒乓球枱並無問題。香港教育大學健康與體育學系副系主任雷雄德博士訧話：乒乓球運動員同波枱有碰撞時有發生，場地員工喺開咗枱之後，必須要檢查確保波枱是否穩陣及唔會晃動等，波枱一定不會移動。專家亦話一張安全嘅乒乓球枱，除咗枱腳要有穩定嘅支撐，轆亦要能上鎖，同出事嘅波枱，明顯有分別。
楊太到7月時收到管理公司來信，指會所拒絕賠償及承認責任，責任喺楊太身上。
香港教育大學健康與體育學系副系主任雷雄德博士指，乒乓球運動員同波枱有碰撞時有發生，場地職員必須要檢查確保波枱安全。
一張安全嘅乒乓球枱，除咗枱腳要有穩定嘅支撐，轆亦要能上鎖，出事嘅波枱，明顯無前者。
節目組實地試過喺同一個會所嘅乒乓球枱重演事件，由於波枱已換，並無意外發生。楊太以電話及電郵聯絡公證行職員，索取調查報告，但對方叫楊太去搵會所管理層，令楊太覺得整個調查黑箱作業。節目組聯絡物業管理公司，佢哋話管理嘅管理服務係外判承辦商負責，當保險公司就事件完成調查並拒絕向該住戶賠償後，亦嘗試為該住戶向承保屋苑嘅另一間保險公司申請賠償，均認為未有理據作出賠償，客務處現正與保險公司探討透過和解方式處理事件。咁楊太而家可以點做呢？
節目組實地試過喺同一個會所嘅乒乓球枱重演事件，由於波枱已換，並無意外發生。
節目組聯絡物業管理公司，佢哋話管理嘅管理服務係外判承辦商負責，而兩間保險公司經調查後均認為未有理據作出賠償。
陸偉雄大律師表示，會所一定要確保所有設施安全，若果有使用者喺會所內受傷，會所係責無旁貸負上賠償責任。由於調查報告係由管理公司向公證行索取，所以公證行嘅調查出發角度，並非從使用者嘅利益去考慮。陸律師建議楊太向管理公司索取事發時閉路電視拍下嘅片段，向另一間公證行作評核，搵出事發原因究竟係因為管理不善定人為問題，係咪應該控告管理公司。後楊太聯絡節目組，話收到管理公司要求和解嘅信，希望事件真正完滿解決。
陸偉雄大律師議楊太向管理公司索取事發時閉路電視拍下嘅片段，向另一間公證行要求作評核。
text/Joyce
photo/《東張西望》電視截圖
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
