新聞女王|佘詩曼少女含春「冧笑三式」令人心動 減齡造型初出茅蘆毫無違和感

文: 羅志宏
2023.11.30

TVB台慶劇《新聞女王》除了一眾女主角表現突出,亦成功塑造了不少別具記憶點男角,除了何廣沛,還有兩大「暖男」:譚俊彥飾演的陳子傑,及高鈞賢(Matthew)飾演的邵俊樂。譚俊彥飾演的陳子傑是Man姐(佘詩曼飾)最佳拍檔、由從前一起衝鋒陷陣採訪新聞、到今時今日「退居」做Man姐背後男人,是安慰及點醒Man姐的重要角色。

昨晚(28日)劇情講到事業失意的Man姐,獨自迎聖誕時憶起昔日與子傑(譚俊彥飾)的甜蜜時光,遂衝往見子傑兼難得認錯:「係你先影到我內心,係你不斷提醒我應該做一個點嘅人…呢個世界得你同我講真話」子傑聽完Man姐剖白後,即以「汽車零件論」溫柔地提點Man姐:「知道問題喺邊咪逐樣逐樣解決,重點係搵唔搵得番初心?」該場口亮點是,阿佘不但成功「減齡」飾演初出茅廬的文慧心,同場還加映了阿佘「冧笑三式」,霸氣又得、喊戲又得、冧樣亦得,不單止冇咗嗰份霸氣,仲要有份天真同埋活潑,網民都話佢演出咗嗰種年紀同心態嘅分別!

另一暖男代表邵俊樂,對女友家妍(施嬅飾)任何決定或缺點均百分百包容及支持,昨晚俊樂眼見家妍沉醉於解決公事危機,前往食飯期間全程不斷打電話兼心不在焉;俊樂不但未有生氣,笑容溫柔望著女友「打仗」之餘,更佻皮地提議女友可到圖書館吃「豉油足球」再加「冰鎮82年鏹水」,豈料家妍聞言大讚「OK Wor」,高鈞賢當下「打了個凸」的呆萌反應令場口喜感倍升。為支持家妍,俊樂主動提議取消飯局,並向女友拋出暖心叮囑:「我返屋企等你啦,唔好咁夜喎!」俊樂的暖男表現獲網民激讚。

高鈞賢受訪時笑指自己真實性格與俊樂某程度很相似:「我其實對女朋友都會好就到,但有時有啲底線都唔可以過。現實中我都係鍾意事業型女性,但有個矛盾位,都希望另一半係可以兼顧到屋企。」談到劇集拍檔李施嬅,高鈞賢透露當年當選香港先生後首個工作即與施嬅結緣,之後合作過《肥田囍事》,雖然對手戲不多,但因二人有不少common friend而變得熟絡。

高鈞賢指與李施嬅均為角色注入不少親身經歷及個人元素:「好似之前喺屋企玩快問快答,同埋一啲開玩笑位、甜蜜位同嬲豬位咁。高鈞賢續指近日接獲大量劇迷追問與家妍能否修成正果,並因而學會內地潮語「BE」是指「Bad Ending」:「好多人問我哋會唔會BE,我只可以講我同家妍都好注重事業,其他就要大家睇落去。」

新聞女王|第八集金句

入世未深Man姐語錄:

  • 「正式你鬥我、我鬥你,鬥到新聞點做都唔記得」

Man姐深情語錄:

  • 「我唔想你嬲咗我,呢個世界得你同我講真話,冇人鬧醒我我會好lost」
  • 「出面啲人睇我好硬淨,其實我真係好攰」

電視台總監飛爺:

  • 「你想捉賊定報導捉賊先」

張家妍:

  • 「做新聞咁多計算架咩?新聞唔係求真相 有嗰樣講嗰樣就夠 後果從來唔係我哋責任 亦唔到我哋控制 唔應該畀咁多嘢綁死自己」

同場加映:【衝出嚟玩】最新影片

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓