大家常常都聽到，梳打粉是非常有用的廚房清潔好幫手，但原來還有一樣東西更平更方便又好用的，那就是鹽！日本「鹽的專家」青山志穗，就教大家4招，如何用鹽有效去除污漬、污垢及異味，大家都要好好學起來！
同場加映：
【家居達人】保鮮紙妙用8招 去漬一流/防滑防倒必備
1. 去除保鮮盒異味
除了做便當，近年不少主婦都喜歡用保鮮盒醃肉、醃漬物或保存凍肉，但常常都會留低異味，無論沖洗幾多次都洗唔走！除了用漂白水，其實可以用鹽！方法好簡單，只需把保鮮盒裝滿熱水，再放入1-2茶匙鹽，放過夜，之後用清水沖洗，再用洗潔精洗一次，異味就會消失！
2. 洗淨煮燶的鑊或煲燶的鍋
有時煲湯煮餸會唔小心整燶隻鑊或個鍋，即時用洗潔精洗或用刷子擦效果都未必好，可以試試用熱水弄濕燶的部分，在灑上鹽直到看不見燶漬為止，放置10-15分鐘後，用洗碗綿擦走污漬。如果一次不能完全去除燶漬，就重複多試幾次，直至燶漬完全消失為止。
3. 對付麻布變黃的問題
將4公斤水倒入一個大鍋內加熱，放入鹽及梳打粉各120克，溶化後，將泛黃的麻質或棉質衣物放入鹽水中煮1小時左右，之後用清水徹底洗淨，泛黃的地會變淡。
4. 去除木製家具上的痕跡
鹽原來可以有效去除杯碟遺留在木製家具上的痕跡！只需在痕跡上灑上鹽，加一點點水，再用海綿或布輕擦，杯碟漬就會消失或變淡。
text/ Katty
photo/ Photo AC、Unsplash
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
