廚房嘅煮食爐係大家日日都要使用多次嘅家具，但萬一煮食爐嘅強化玻璃爐面爆裂咗，都真係幾危險同麻煩！電視節目《東張西望》就接到兩個類似投訴，觀眾都係使用同一個品牌嘅煮食爐，出現煮食爐嘅強化玻璃爐面爆裂，但銷售商話過咗保養期唔肯維修，究竟用家可以點做？節目又請嚟專家講解吓呢類強化玻璃爆裂嘅原因，係咪真係會因為煮食爐溫度太高而爆裂呢？
同場加映：
【家居達人】保鮮紙妙用8招 去漬一流/防滑防倒必備
第一宗事件嘅事主黃生，已經使用咗呢個品牌嘅煮食爐三年，早前黃太喺蒸食物廿多分鐘後，熄咗火攤凍食物時，忽然聽到爐具「砰」一聲，原來爐面嘅強化玻璃忽然爆裂！黃太仲拮到手！搞到黃生對該品牌失去信心。出事後黃生聯絡維修中心，但由於已過保養期而不獲受理，黃生覺得既然煮食爐仍然能正常運作，不是煮食爐嘅保養問題，而是在於強化玻璃承受熱力嘅功能，建議銷售商回收更換，但對方就建議黃生重新買過新爐。節目組聯絡煮食爐品牌公司，對方指收到黃生來電後，已回覆話曾提出免上門服務費去黃生屋企了解情況但被拒，公司會高度關注事件並會嚴肅處理。但銷售商表示發現黃生嘅煮食爐，疑似曾被硬物撞擊而導致強化玻璃爆裂，節目組再向黃生查詢，黃生指從未有硬物撞擊過煮食爐。
事主黃太喺蒸食物廿多分鐘後，熄咗火攤凍食物時，忽然聽到爐具「砰」一聲，原來爐面嘅強化玻璃忽然爆裂！
維修中心指由於已過煮食爐保養期而不受理，銷售商更表示發現黃生嘅煮食爐，疑似係因為曾被硬物撞擊而導致強化玻璃爆裂。
高溫烹煮食物絕少令強化玻璃爆裂
至於另一宗事件，事主李小姐蒸食物十多分鐘後，聽到爐頭「卟」一聲，回頭看就發現爐頭爆裂兼下陷！但節目組發現爐面右下角有一個疑似撞擊過嘅痕迹，李小姐指從未有試過有硬物撞擊過煮食爐。節目組訪問過工具達人宅Sir，宅Sir表示強化玻璃爆裂有兩大原因：1.受到外力撞擊：強化玻璃表面好硬，但最大弱點係邊緣位，若一撞擊邊位，就好容易整塊爆裂；2.生產加工過程時加了雜質，若遇上冷縮熱脹，可能只有輕微溫差時，都足以令玻璃爆裂，而因為煮食太高溫而令強化玻璃爆裂嘅情況就極罕見。節目組又去信爐具銷售商查詢，對方指由於未能入屋檢查，產品喺正常情況下不易破裂，建議用家要保持爐具清潔，避免撞擊面板，以防爆裂。
雖然兩宗事件有可能係玻璃爐面邊緣先爆裂，但亦好難斷定。宅Sir反而建議盡量避免將煮食爐鋪在廚櫃上面，而是應該將煮食爐藏在廚櫃內，令煮食爐凸出嚟嘅邊緣位相對較少，即使有撞擊到強化玻璃表面，受破壞機會會較少。
另一宗事件事主李小姐蒸食物十多分鐘後，聽到爐頭「卟」一聲，回頭看就發現爐頭爆裂兼下陷！
節目組發現爐面右下角有一個疑似撞擊過嘅痕迹，李小姐指從未有試過有硬物撞擊過煮食爐。
工具達人宅Sir表示若強化玻璃喺生產加工過程時加了雜質，若遇上冷縮熱脹，可能只有輕微溫差時，都足以令玻璃爆裂。
宅Sir指雖然強化玻璃表面好硬，但最大弱點係邊緣位，若一撞擊邊位，就好容易整塊爆裂。
宅Sir建議應該將煮食爐藏在廚櫃內，令煮食爐凸出嚟嘅邊緣位相對較少，即使有撞擊到強化玻璃表面，受破壞機會會較少。
text/Joyce
photo/《東張西望》節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
