TVB台慶劇《黑色月光》起用了蔡誌恩（Vincent）擔任要角，飾演先後周旋於郭鋒、張頴康及林夏薇之間的「三重無間道」Kenny（霍建堃）。不少網民對於蔡誌恩的演出表示有新鮮感，在網絡洗版式留言大讚蔡誌恩字正腔圓、表現出色及官仔骨骨之餘，還笑指他「奸在骨子裏」。
原來一直演開專業人士的蔡誌恩，這次獲機會釋放奸氣，全因佳導獨具慧眼，蔡誌恩接受訪問時透露：「事緣拍《新聞女王》嗰陣，佳導睇完Playback見到我有啲角度同神情有啲陰險，所以嗰時佳導已經同我講，想搵我試演啲反派角色、等我有啲反差。
蔡誌恩續稱：「可能我平時畀人感覺都係比較官仔骨骨、斯文同專業啲，佳導就覺得咁樣形象嘅人去做陰險嘅角色，可能帶到啲驚喜畀觀眾，所以嗰時已經應承話會有個咁角色畀我，真係好感激佳導願意畀機會我嘗試。」
蔡誌恩又感激郭鋒及林夏薇兩位前輩指點，表示：「佢哋幫咗我好多，我好記得有一幕，嗰時我都仲做緊卓生（郭鋒）嘅手下，有一吓我要陰險得嚟又鬼鬼崇崇咁，嗰幕一開始拍時我個感覺做得唔係好夠，但鋒哥好好，嗰時其實佢拍完架喇，但佢冇即刻走，佢有留喺現場睇吓我做成點，佢見我爭少少時，都有即刻教我點樣調整，佢同導演仲畀咗少少時間我消化，之後兩Take就順利完成喇。
蔡誌恩續稱：「薇薇都係好好，佢自己本身都好多嘢要記，但佢同我對戲時，都會好耐心咁畀意見我，例如提我某啲位可以眼神放番柔少少，之後再銳利番，有個對比會好啲咁，佢真係好Nice好Friendly。」蔡誌恩續指與郭鋒其實已相識超過15年，大家私下是波友：「佢非常之搞笑架，我哋係打羽毛球識嘅，打到依家，大家私下相處亦師亦友咁。所以前階段我做佢手下好自然架，我會想去照顧佢同跟出跟入咁。」並笑言由於二人沒有架子，故與二人合作零壓力。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Mrs. Fields Cookies聖誕陶瓷盤連芝士鹹鬆餅！↓
↓ 煙肉洋蔥香蒜/粟米洋蔥 /雜菌香腸洋蔥↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
