居港日本人為流浪狗及患癌父 誤墮借錢中介陷阱 被騙超過50萬
經常都聽到「借錢梗要還，咪俾錢中介」，雖然已經聽到識得背，但仍然有人誤信中介陷阱，今次呢位事主就是一位居港日本人，為照顧流浪狗及患癌父親而陷入財困。走投無路之下，經朋友介紹認識一位自稱按揭專家，最終被騙超過50萬。
============
同場加映：
【家居達人】滅蟲專家教路！拆解全港床蝨危機 床蝨緊急處理步驟、蒸氣機滋生其他蟲？有貓狗點算？
============
早前《東張西望》收到一名居港日本人的求助，指被自稱按揭專家騙錢。事主是日本人Maya，來港27年，1999年收養了兩隻流浪狗後，決定搬到南丫島生活，並在8年前購入一個頂層連天台單位。現時獨力照顧13隻流浪狗和兩隻貓，同時亦要照顧患癌的90歲父親。一邊供樓，一邊出錢出力照顧動物及父親，加上疫情期間致收入大減，令Maya的財政出現入不敷支的情況。
經朋友介紹認識按揭專家
每月動物的伙食加上病父的醫療費，Maya決定將物業再轉按套取現金。經一位狗義工的朋友介紹，認識自稱按揭專家Vince，表示可以幫Maya渡過困境。
Vince了解Maya的情況後，稱因為Maya天台屬僭建，被屋宇署勒令清拆，加上手頭上有私人貸款未還清及收入不穩難以申請轉按。不過，可以幫Maya向財務公司借得貸款。
最初，Maya自己找到一間財務公司願意批出310萬港元貸款，當中230萬港元用作還銀行按揭、60萬港元私人貸款，餘下20萬港元以解Maya當務之急。Vince得知後，表示可幫Maya借到345萬港元。後竟未經Maya同意，再找兩間財務公司借錢，更教Maya講大話虛報資產，「同財務公司講，話個單位係租，筆錢係屋企人需要用嚟睇醫生。」
成功貸款後，Vince向Maya收取高達465,000港元的手續費（稱是合伙人收取）。Maya透過Vince再向兩間財務公司，貸款30萬港元及35萬港元，合共65萬港元，用來支付手續費，並表示要收取6萬港元的中介費。
Vince表示6萬港元的中介費，財務公司會稍後支付給自己。不過需要Maya先支付給她，稱收到財務公司給他後再歸還Maya。最後，當然財到光棍手一去無回頭啦！
由月供1萬多到現時8萬 隨時無家可歸
Maya由最初每月只還1萬3千港元貸款，到現時每月需還8萬港元貸款，而且利息更一次比一次高，更發現自稱按揭專家的Vince，原來只是一名電話公司街站傳銷員。由6月開始，Maya不斷收到追數信，更隨時面臨收樓危機。
Maya多次希望同Vince聯絡，都被各種理由推搪，Maya在香港出版的日文報章寫專欄時認識一位律師，經諮詢後決定報警求助。
Maya為香港出版的日文報章寫專欄時，認識一位律師，經諮詢後決定報警求助。
大律師陸偉雄表示，現時沒有法例規定中介人需要持牌，亦沒有規管中介人收多少費用才算犯法。
陸偉雄更提議政府中介人應該要有發牌制度。
Text/Minna
港生活人氣本地熱話
↓【限時搶⚡】森源安睡足艾貼↓
↓吸走體內毒素｜改善血液循環 ↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
